中秋好去處2024 | 中秋節同屋企人食完飯之後就一定要落街行吓，除咗可以去屋企附近嘅公園賞月之外，都可以帶埋小朋友去香港唔同嘅地方玩，體驗與別不同嘅中秋節慶祝活動！當中更可以免費睇大坑舞火龍，大坑舞火龍更被列為國家級非物質文化遺產名錄，今個中秋一定要去體驗吓啦～
圖片來源：官方圖片、Instagram@vivabluehouse、lakehouse.hk、Facebook@大澳非茂里 | 撰文：Hedy
中秋好去處 | 1. 灣仔無人機表演
大家只要喺中秋節正日嚟到灣仔，就可以睇過1,000架無人機，交織出多幅別具中秋意境嘅動態畫面，包括可愛玉兔、傳統紙燈籠，更會幻化成火龍翱翔天際！無人機表演最近觀賞位置為灣仔「HarbourChill海濱休閒站」及「水上運動及康樂主題區」。
【INFO】
《灣仔無人機表演》
日期：2024年9月17日
時間：20:00（全長約10分鐘）
地址：灣仔海濱
中秋好去處 | 2. 薄扶林村中秋火龍盛會
薄扶林村舞火龍是極具特色嘅香港非物質文化遺產，而今年中秋節都會舉辦薄扶林村中秋火龍盛會，120位義工同村民舞動由禾草和竹枝紮作而成嘅火龍，喺薄扶林村大街小巷巡遊，過程包括多種拜祭儀式，如「蟠龍出洞」，祈求合境平安。大家都不妨去體驗吓！
【INFO】
《薄扶林村中秋火龍盛會》
日期：2024年9月17日
時間：18:30至00:00
地址：薄扶林村、華富邨、 瀑布灣公園
中秋好去處 | 3. 大坑舞火龍
大家又知唔知大坑舞火龍係點嚟㗎呢？呢項引人入勝嘅香港傳統節慶活動可以追溯到19世紀，當時有一客家小村落爆發瘟疫，村民以躍動火龍及喧天鑼鼓，以求去病消災。而去到今日大坑舞火龍已被列入國家級非物質文化遺產名錄。如果大家都想睇大坑舞火龍，就可以由9月16日至18日，一連三日起喺銅鑼灣大坑免費睇由300多名健兒舞動熠熠生輝嘅火龍，穿梭喺大坑大街小巷！
【INFO】
《大坑舞火龍》
日期：即日起至2024年9月18日
地址：香港島銅鑼灣大坑（最佳觀看點：浣紗街）
中秋好去處 | 4. 灣仔藍屋 花燈海
由公眾繪畫嘅花燈將會喺灣仔藍屋重現藍屋花燈海，浪漫得嚟又好適合大家中秋節去打卡。一串串精美嘅手繪花燈，將會掛滿整個灣仔藍屋，上年嘅時候更掛滿約600多個花燈，畫面超壯觀，唔知今年花燈燈海範圍可唔可以廣闊呢？大家如果想捕捉藍屋燈海亮燈日就要喺9月7日嘅夜晚6點過去～
【INFO】 《灣仔藍屋花燈海》 日期：即日起至2024年10月4日 每日亮燈時間：18:00至22:00 地址：灣仔石水渠街72A號藍屋建築群、欄杆、空地及地鋪
中秋好去處 | 5. 大澳花燈節 掛滿手繪燈籠
由民間組織「大澳非茂里」主辦嘅大澳水鄉花燈節，幾乎每年都會舉辦，喺中秋節嘅時候吉慶街以及鄰近嘅街巷，都會掛滿逾千個由當地居民親手繪畫嘅燈籠。喺9月頭嘅時候就會亮燈，體驗中秋節氣氛一流～不過由於附近都係居民住宅，所以大家都要盡量保持寧靜，以免影響居民休息～
【INFO】
《大澳水鄉花燈節》
日期：即日起至另行公佈
亮燈時間：待公布
地址：大澳吉慶前街
中秋好去處 | 6. 饒宗頤文化館 夜光舞龍表演
饒宗頤文化館舉辦第二屆花燈節，掛滿近2,000個由市民手繪嘅燈籠，將會掛滿喺饒館戶外位置，燈海相當壯觀，絕對係中秋打卡必到嘅地方，燈海將會喺9月14日晚上正式亮燈。同場亦會有大型中秋市集，喺中秋節當日亦有由香港龍獅代表隊北少林天毅體育會，舞動一條幻影夜光龍。大家可以輕輕觸碰龍身，沾沾「龍」氣！
【INFO】
《饒宗頤文化館》
日期：即日起至2024年9月18日
時間 : 14:00至21:00 (14-15/9)；16:00至22:00 (16-17/9)；13:00至20:00 (18/9)
地址：饒宗頤文化館
中秋好去處 | 7. 香港仔中秋火龍盛會
想深深體驗中秋節熱鬧嘅氣氛，就一定要去香港仔中秋火龍盛會，絕對係每年南區中秋盛事！中秋節當日大概8點開始，喺鑼鼓隊聲中沿着香港仔大街小巷巡遊表演，由香港仔廣場出發，經南寧街再沿香港仔大道南行並穿插喺香港仔區內，齊齊渡過滿滿節日氣氛嘅中秋節！
【INFO】
日期：2024年9月17日
時間：20:00開始
地點：從香港仔廣場出發，由南寧街再沿香港仔大道南行並穿插在香港仔區內
中秋好去處 | 8. 嗇色園非遺薈萃綵燈節
唔知大家又有冇睇過陸豐皮影戲、變臉以及醉龍舞等等呢，只要中秋節嚟黃大仙祠就可以欣賞到「國家級及香港非遺項目」，而且所有活動都係免費入場！嗇色園亦都會舉辦為期三星期嘅「賀國慶七十五周年 嗇色園非遺薈萃綵燈節」，涵蓋中秋節、赤松黃大仙師寶誕及國慶日，期間舉辦大型綵燈展覽、無人機匯演等，增添節日氣氛！
【INFO】 《嗇色園非遺薈萃綵燈節》 日期：即日起至2024年10月6日 時間：大型綵燈展覽每晚開放至晚上9時 地址：黃大仙祠、廟宇廣場、黃大仙廣場
中秋好去處 | 9.中秋綵燈展
香港文化中心露天廣場將會免費舉行中秋綵燈展，當中將會展示唔同主題嘅璀璨綵燈，亦會安排內地藝團來港演出。當中仲有唔少非物質文化遺產例如傳統花燈紮作展示、舞火龍及粤港澳傳統手工藝示範等。而維多利亞公園以及青衣公園將會舉辦中秋綵燈會，等大家都可以同屋企人一齊參與～
【INFO】 《中秋綵燈展》 日期：即日起至2024年10月6日 亮燈時間：18:30至23:00 地址：香港文化中心露天廣場 《中秋綵燈會》 日期：即日起至2024年9月18日 亮燈時間：18:30至23:00 地址：維多利亞公園、青衣公園
中秋好去處 | 10. 馬鞍山 We Go MALL 秋日鳥居千鶴花燈祭
We Go MALL頂層空中花園打造成沉浸式花燈祭主題空間，超過400個燈籠構成逾40米全港最長天台七色鳥居花燈迴廊，帶埋寵物嚟影相就最適合！同場更設有發光彎月雲上宮攝影裝置，穿越迴廊後參拜十六夜4米巨型月兔！再加上We Go MALL為寵物友善商場，場內分別設置日式萌寵神社攝影區及人寵同樂浴衣體驗，影相打卡都超靚！
【INFO】
《秋日鳥居千鶴花燈祭》
日期：即日起至2024年10月19日
時間：18:00至22:00
地址：馬鞍山保泰街 16 號 We Go MALL 地下、一樓及頂樓空中花園
中秋好去處 | 11. 沙田新城市廣場 Chill Park
位於沙田新城市廣場、逾2萬平方呎嘅戶外多元化空間Chill Park終於都開幕！除咗為大家提供休憩設施以及園林步道等，喺節日同假日都會舉辦限定主題活動、音樂及文化企劃等。而適逢中秋節，新城市廣場將舉辦「Chill Out中秋Party」，特意邀請了多間本地啤酒、甜品及寵物食品品牌推出熊貓主題慶節食品，同場亦設有面部彩繪師駐場及本地街頭音樂人獻唱多首流行歌曲，等大家可以食完飯後去商場輕鬆吓～仲有超可愛嘅5大熊貓打卡位！
【INFO】 《Chill Out中秋Party》 日期及時間：2024年9月17日（12:00至22:00)、2024年9月18日（12:00至19:30) 地址：1期3樓Chill Park （近Casetify） 【INFO】 《沙田新城市廣場 Chill Park》 日期：即日起至2024年10月31日 時間：10:00至22:00 地址：新城市廣場1期1樓羅馬圓型獻技場樓梯位
中秋好去處 | 12.YOHO MALL形點 小熊維尼+勞蘇
迪士尼人氣角色小熊維尼以及勞蘇將會登陸YOHO「山下菓子甜蜜花園限定店」，等大家都可以帶埋毛孩一齊穿梭「草莓果園」同「蜜糖之家」！當中更有1.4米高嘅立體勞蘇公仔同大家打招呼，仲有超乖巧嘅小熊維尼毛絨公仔等緊你～同場仲有中秋美食同寵物市集，選購中秋應節禮品同寵物用品就最適合不過～會場仲有超過300款香港限定、日本及澳洲直送等全新及經典小熊維尼及勞蘇產品，仲可以幫毛孩買一連串嘅寵物配飾！
【INFO】 《山下菓子甜蜜花園限定店》&《FOOD & STYLE中秋美食及寵物用品市集》 日期：即日起至9月22日 時間：11:00至21:00 地址：YOHO MALL I 中庭
中秋好去處 | 13. 灣仔星街小區 Mr n Mrs Moon
今個中秋節，灣仔星街小區與本地人氣動畫角色Mr n Mrs Moon為大家呈獻舞動月圓狂歡派對，一齊沉浸喺星月派對之下～同佢哋打卡嘅時候，更可用埋Mr n Mrs Moon獨家設計嘅Instagram AR濾鏡，影相就自然更有Feel！
【INFO】
《灣仔星街小區 Mr n Mrs Moon》
日期：即日起至2024年9月22日
地址：灣仔星街小區，太古廣場三座外（永豐街）
中秋好去處 | 14. 大埔Lake House 5米高月兔
想喺中秋節同摯愛共賞漫天繁星？小編就推薦大家可以去大埔Lake House嘅「星｜願2024」中秋活動，除咗有10米高月亮裝飾方便大家打卡之外，就連大草地上面都有5米高月兔伴明月裝飾。同屋企人或者另一半搭遊覽小船，再放祈福許願水燈，超浪漫～3歲以下或65歲以上嘅人士可以免費入場，而其他人士就需要畀$30入場費，如果想坐船或者放水燈就需要再額外畀錢～
【INFO】
《大埔Lake House「星｜願2024」》
日期：即日起至2024年9月18日
時間：18:00至23:00
地址：香港新界大埔滘紅林路2號
中秋好去處 | 15. 灣仔利東街 18米長LED火龍
今年利東街舉辦「喜魚 ‧迎月」綵燈會，設有逾800個喜慶嘅傳統中式燈籠，等大家都可以一齊感受傳統節日氣氛。而喺中秋節當日將會有18米長、炫彩繽紛嘅LED火龍，遊走喺利東街嘅林蔭大道上，為大家送上節日祝福。
【INFO】
日期：即日起至2024年10月15日
時間：10:00至23:00（每日17:00亮燈）
地點：利東街
中秋好去處 | 16. 朗豪坊 4.5米高大月亮
朗豪坊將會夥拍香港拼貼藝術家C.PIC_，帶大家一齊慶祝中秋。朗豪坊會喺12樓設置4.5米高嘅大月亮，打卡完之後記得去埋隔離「亞皆老街8號郵筒」，將限定版嘅明信片寫滿後，就可以免費投入郵局，等大家都可以為遠方嘅朋友送上祝福！
【INFO】
日期：即日起至2024年9月26日
時間：11:00至23:00
地點：朗豪坊12樓
中秋好去處 | 17. 黃埔天地 2.9米高月兔
適逢中秋節，大家食飽飯都會落商場行下。而黃埔天地除咗有2.9米高月兔畀大家打卡之外，亦舉行【你「捉」我「閃」競技賽】，無論係小朋友定大朋友都可以喺充滿星際障礙物嘅場景入面，於指定時間撕下對方背心上嘅「迷你星球」或避開對方追擊！場景更有唔少閃爍嘅充氣星星、月球以及小月兔化身為遊戲中嘅障礙物，超有氣氛！如果想試玩嘅大家就可以喺9月14日至29日期間嘅指定週末及假期進行，只需透過活動專頁報名就可以免費參加！
【INFO】
《黃埔天地 2.9米高月兔》
日期：即日起至2024年10月13日
時間：14:00至17:00
地點：黃埔天地時尚坊MTR層
中秋好去處 | 18. 荃灣廣場 5米高兔兔
荃灣廣場喺中秋節當晚為大家準備咗街舞表演以及多巴胺嘉年華，更大派Y2K打卡必備閃光棒，令你過一個難忘嘅中秋節。而荃灣廣場亦有4大Y2K風格打卡位，當中包括5米高多巴胺粉紅巨萌毛毛兔、3米高巨型滿月、糖果色幸福燈籠陣以及22米長快樂因子打卡牆。
【INFO】
《荃灣廣場 「Blooms of Happiness 快樂綻放」》
日期：即日起至2024年10月31日
時間：10:30至22:00
地點：荃灣廣場L5空中樂園
中秋好去處 | 19. 奧海城 100倍巨型大白兔燈籠
奧海城將傳統文化手藝「大白兔燈籠」放大100倍，將寓意吉祥和幸福的發光玉兔，以 3米高立體吹氣裝置呈現喺大家眼前。同場更設中秋「滿夕團圓」食品展，集合唔同中秋應節食品、海味禮盒以及特色月餅等畀大家買！
【INFO】
《奧海城 巨型大白兔燈籠》
日期：即日起至2024年9月18日
地點：九龍西九龍海庭道18號
中秋好去處 | 20. 愉景灣繽紛玉兔
去年深受大家鍾意嘅發光玉兔群，今年移師至愉景北商場展出，畀大家邊賞月邊拍照留念！今年佈置嘅展出時間將會延長至10月中旬，等大家可以有更多時間打卡！
【INFO】
《愉景灣繽紛玉兔》
日期：即日起至2024年10月13日
地點：愉景北商場 鐘樓前
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
