尋秦記展覽｜萬眾期待嘅《尋秦記》電影將會喺今年壓軸登場！鍾意《尋秦記》嘅朋友喺睇戲之前，更加唔可以錯過《尋秦記》電影展覽，將展出珍貴服飾同道具，仲有得免費攞電影海報珍藏！即刻入內文睇詳情喇！
圖片來源：官方圖片 | 撰文：Hedy
想喺睇戲之前率先穿越返秦朝，就一定要嚟海港城美術館睇《尋秦記》電影展覽喇！由即日起至2026年1月18日免費開放畀公眾參觀！大家可以近距離觀賞項少龍、秦王、琴清及烏廷芳喺戲入面所穿著嘅標誌性戲服。另外場內更展出多件關鍵道具，包括「時空訊號接收器」、「大王配劍」與「秦兵配劍」，以及「秦國戰略沙盤」。而現場更設有由森藝銅器有限公司製作嘅「仿兵馬俑」複製品，營造出如臨其境嘅古代氣氛。
尋秦記展覽｜AI互動體驗區
現場仲有超得意嘅AI互動體驗區，只要喺鏡頭面前影相，系統就會透過AI科技將大家嘅樣貌轉化爲極具質感嘅兵馬俑造型，超搞笑！大家仲可以掃描QR Code下載圖片，將獨一無二嘅穿越時空照紀念低。
尋秦記展覽｜電影海報及精選劇照登場
是次展覽展示咗由電影海報設計師陳華雄（Frank Chan）精心打造嘅一系列海報，包括先導海報、角色海報、主海報及極具意境嘅概念海報。此外，影迷亦可欣賞到多幀絕密劇照，涵蓋劇中重要角色如項少龍、秦王、琴清、烏廷芳、善柔、等實力派演員嘅精彩造型與場景。大家仲可以攞埋免費電影海報珍藏，不過每日數量有限，先到先得。
【INFO】
《尋秦記》電影展覽 @ 海港城
日期：即日起至2026年1月18日
時間：上午11時至晚上9時
地點：海港城美術館（海港城海洋中心二階207號舖）
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
