京都二条城夜櫻祭 | 準備去睇櫻花嘅大家要留意喇！今年京都預測開花日期會喺3月23日，每到櫻花季「二條城」將會喺熱門追櫻花嘅熱點。除咗賞櫻之外，大家更可以參與其燈光活動，到會場欣賞夜櫻，打卡效果一流。即刻睇睇今年京都二条城夜櫻祭嘅詳情喇！
圖片來源：官方網站 | 撰文：Hedy
二條城喺京都熱門嘅賞櫻勝地之一，入面種滿咗50幾個品種，大概有300棵櫻花盛開，每年嘅3月下旬到4月中旬都係最佳嘅欣賞花期。擅長將光雕投影同多媒體結合嘅NAKED將會舉辦「NAKED櫻祭2024 世界遺產・二條城」，令你體驗夢幻嘅沉浸式賞櫻展。喺各種燈光、香氣及音樂下體驗櫻花嘅美！當中更有5大特色看點：
京都二条城夜櫻祭特點 | 1. 光雕投影「櫻囃子」
唐門為重要文化財產，而裝飾唐門嘅鶴、唐獅子、龍等雕刻，將會伴隨櫻花飛舞一同出現。會透過光雕投影將滿開嘅櫻花綻放喺地面，當與唐門豪華嘅建築相互輝映，更能凸顯櫻花嘅美。
京都二条城夜櫻祭特點 | 2. 燈光秀
櫻花花瓣嘅圖案點綴成個城牆嘅燈光，漫天飛舞嘅櫻花將會透過不同嘅燈光，展現出漸層嘅光影之餘，更帶領大家踏入櫻花之園。
京都二条城夜櫻祭特點 | 3. 櫻之園
桜の園係一個可以同樂器一齊演奏嘅互動藝術，只要將手擺放喺藍色蝴蝶上，透過手擺放喺唔同位置就可以掌控音樂同燈光嘅變化，體驗獨特嘅音色同燈光，效果相當靚！
京都二条城夜櫻祭特點 | 4. 櫻月夜繪圖
壯觀嘅3D光雕投影技術表演，以多樣化嘅櫻花為主題，並展現出日本最大畫派狩野派，所繪製嘅櫻花同金色壁畫，照亮長140米嘅護城河。
京都二条城夜櫻祭特點 | 5. 清流園尊享花見區
作為二條城最佳賞櫻景點之一嘅清流園，今年首次推出高級櫻花觀賞區，你可以靜靜地欣賞櫻花，放鬆身心。同時亦設有3種唔同類型嘅食物任你選擇，包括賞花酒、京都老字號茶舖「福壽園」嘅抹茶同日式點心套餐。仲可以揀由「TREE by NAKED」特製嘅櫻花檸檬水和冬甩套裝等。享受食物之餘，同時觀賞被櫻花包圍嘅景色，真係好寫意。
想著住靚和服夜遊二條城賞櫻，大會都有提供和服租借嘅套票，等大家可以著蕾絲和服打卡，就算第二日歸還都可以！不過部分店鋪嘅價錢可能都會有唔同，大家都要留意清楚！
購票價錢：
【INFO】
《京都二条城夜櫻祭》
日期：3月8日至4月7日
時間：18:00至22:00（最後入場時間為21:00）
地址：元離宮二條城 〒604-8301 京都市中京區二條通堀川西入二條城町541
購票網站：https://bit.ly/3uqtsYg
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
