香港豬扒飯 | 香脆多汁嘅豬扒真係令人流晒口水！所以小編特別精選7大香港豬扒飯推薦，大份夾抵食，性價比超高，即刻睇睇以下嘅介紹啦！
圖片來源：openrice @hoitung603、facebook @開心小敘、openrice @daitouball、openrice @or#vc70195740、openrice @elly0521、openrice @CC.Chan、openrice @Mon Lee、openrice @XYTX、openrice @VictorChan719 | 撰文：Icy
香港豬扒飯 | 1. 開心小敘
元朗除咗出名有大寶冰室嘅肉餅飯，開心小敘亦係區內人氣老字號之一！招牌豬扒飯配上燶邊太陽蛋只需$50，真係抵食到爆！豬扒外層炸得酥脆，肉質嫩滑又入味，再淋上秘製醬油，將簡單嘅配搭昇華，難怪多年來深受街坊喜愛～
【INFO】 開心小敘 地址：元朗鳳攸南街3號好順景大廈1座地下43號舖 營業時間：星期二至日 07:00-17:00
香港豬扒飯 | 2. 金飯館
金飯館主打各式炒飯，即叫即炸嘅椒鹽豬扒炒飯份量十足，採用比較健康嘅芥花籽油炒製，炒飯粒粒分明，乾爽唔油膩！而主角椒鹽豬扒醃製得相當入味，肥瘦比例適中，仲有種入口即融嘅感覺～
【INFO】 金飯館 地址：牛頭角牛頭角道323號地下J號舖 營業時間：星期一至日 11:30-22:00
香港豬扒飯 | 3. 晶百合餐廳
位於九龍城嘅晶百合餐廳，雖然主打上海菜，但佢哋嘅芝士焗茄汁豬扒飯同樣人氣十足～炒飯底粒粒分明，淋上酸甜開胃嘅茄汁及濃郁嘅芝士，味道層次豐富。而豬扒雖然唔係厚切，但勝在嫩滑彈牙，整體配搭相當出色！
【INFO】 晶百合餐廳 地址：九龍城福佬村道5-9號地下A-B號舖 營業時間：星期一至日 06:00-00:00
香港豬扒飯 | 4. 新堡餐廳
位於灣仔嘅新堡餐廳，招牌焗豬扒飯同樣值得一試，包餐湯同飲品。芝士茄汁焗至微焦，入口鹹香又帶點酸甜，開胃而不膩。至於豬扒份量充足，口感軟腍入味，食完好有飽足感！
【INFO】 新堡餐廳 地址：灣仔軒尼詩道113號地舖 營業時間：星期一至日 10:30-15:00；17:30-21:30
香港豬扒飯 | 5. 新景園咖喱小廚
同樣位於灣仔嘅新景園咖喱小廚，一聽個名就知主打咖喱。當中最出色嘅咖喱豬扒飯，豬扒份量堆到成座山咁，炸得外脆內嫩又多汁。而招牌秘製薑辣咖喱，用上多款香料熬製，香氣好濃郁，帶有辛辣刺激感，特別適合鍾意食辣嘅朋友！
【INFO】 新景園咖喱小廚 地址：灣仔春園街20號地舖 營業時間：星期一至六 11:30-14:30；18:30-20:30
香港豬扒飯 | 6. 金城茶餐廳
金城茶餐廳嘅椒鹽豬扒飯被稱為大圍名物之一，可以揀白飯或者炒飯底。豬扒醃得入味，食落一啲都唔乾，再配埋店內嘅秘製辣菜甫，令整體味道更加突出。
【INFO】 金城茶餐廳 地址：大圍積福街84號地舖 營業時間：星期一、三至日 06:30-19:00
香港豬扒飯 | 7. 漢年茶餐廳
漢年茶餐廳嘅食物同樣被譽為大圍名物，其中以鹽焗雞炒飯及椒鹽豬扒飯最為出名。豬扒以豉油、蒜蓉及鹽糖醃製，入口厚身軟腍，肉質鬆軟而且夠彈牙。再配上香辣辣椒粒，鹹香之中帶點微辣，難怪成為不少食客嘅心頭好！
【INFO】 漢年茶餐廳 地址：大圍積福街100號地舖 營業時間：星期一至日 07:00-19:30
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
