相比起十幾年前，馬鞍山已經唔再係美食沙漠啦！除左開左新商場，近年亦多左唔少餐廳、Cafe同小店，今次小編就決定同大家逐一介紹有咩高質cafe～ 無論系懷舊風、木系小清新，就連望到海景嘅都有！真系間間都好食又有特色，大家以後去親馬鞍山都唔洗再怕無好西食啦！
圖片來源：openrice@wht_rachel、Balloon Daily、joycee、emmi、Cwongx、kimmicheuk、sailor rabbit、eunice2046、poorcat、小楊春、愛吃達人、Kt.foodnote、joey-in-wonderland、phonebus、IG@cof.fee.nap、explorerhk、hkcoffing_x、iam_oldladies、hana_coffeebread、top_hongkong_restaurants、little_tummy｜撰文：Candice
馬鞍山高質Cafe推介1. 屋子生活
第一間要推介嘅文青系café就係超受KOL歡迎嘅「屋子生活」啦，其實小編一開始淨係聽個名就覺得有D可愛～ 門面以木系裝修配上和暖嘅黃光，係門口等位嘅時候已經感覺到cafe係走溫馨風格。
入到去除左有一幅幅活潑生動嘅壁畫，最特別嘅係仲有坐地榻榻米可以揀黎坐！另外cafe樓地都好高，加上店內有唔少綠植同手工藝品，空間感遼闊之餘仲有種恬靜舒適感～好似置身係近郊嘅某一處鄉村庭院咁，令人一瞬間遠離煩囂！
Cafe環境舒服，同時食物都好精緻㗎！除左主打多款咖啡、甜品，餐廳都有正餐提供。好似呢個小山丘窩夫就係聖誕節時嘅特別menu，望到就知佢地嘅甜品有幾IG-able啦～
如果坐係近窗口嘅座位，當陽光灑落係精緻嘅甜品上，影到出黎賣相仲會更加誘人！Cafe嘅定食都有好多款，味道高質價錢合理，大家放假都快D約埋朋友一齊去放鬆下啦～
營業時間：星期一至五 11:30 – 22:00｜星期六至日 11:00 – 22:00
電話：26620102
馬鞍山高質Cafe推介2. 花華
雖然講到馬鞍山Cafe，大部分人都會諗起「屋子生活」，但最近其實係鞍祿街亦有一間好高質嘅Cafe——「花華Hana」！呢間小店只係開左業半年，鋪面唔算大，裝修以木色為主調，好有日系懷舊家庭電影嘅溫馨感覺。
唔好睇cafe舖位細細，食物方面無論係主食定甜品佢哋都唔會馬虎！花華Hana主要提供咖啡、意粉、甜點同烘焙食品等等，佢哋嘅麵包仲係無添加採用天然食材製作㗎～
除咗輕食，手工意粉亦係佢地嘅一大特色! 咖啡以外，花華亦有提供花茶同抹茶latte等其他飲品。就算係唔太鍾意飲咖啡嘅朋友，都可以黎一試佢地嘅手工意粉同麵包，再感受下店內復古嘅文青氣息～
地址：馬鞍山鞍祿街18號MOSTown新港城中心二期地下29-30號舖
營業時間：星期一全日休息｜星期二至日 11:00 – 18:00
電話：56867806
馬鞍山高質Cafe推介3. Casa Cafe & Bistro
放假黎到馬鞍山，相信大家好大機會都係因為沿著海濱踩單車、做運動過黎嘅～出左身汗覺得肚餓，但又唔知邊度有好野食？其實近近地係馬鞍山海濱就有一間西式Cafe啦～
Cafe鄰近海濱，最正就係可以望住海景嘆美食，黃昏時段黎隨時仲可以邊食邊睇埋日落！餐廳主打意粉同pizza，另外仲有肉質鮮嫩超juicy嘅豬肋骨添！
除左咖啡，cafe都有其他特色飲品好似紫薯鮮奶、白桃蘇打同養顏果茶等等～如果真系做完運動唔想行太遠食飯，呢間餐廳絕對係高CP嘅不二之選！
營業時間：星期一全日休息｜星期二至日 08:00 – 18:00
電話：35200865
睇完介紹，鍾意嘅話記得bookmark定下次約埋朋友一齊去試試啦！
相關文章：
【齊集日本料理+雜貨！尖沙咀昭和風格婆婆珈琲屋 必試超精緻港式奶茶富士山甜品/特色漬物】
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
