大閘蟹2023 | 踏入秋天，大閘蟹季節又到，今次為大家收集咗六間大閘蟹餐廳推介， 當中包括有大閘蟹放題、火鍋，可以一次過食盡唔同煮法嘅爆膏大閘蟹，價錢每位只需$398起，CP值爆燈，快啲約齊三五知己一同開餐啦！
圖片來源：官方圖片｜撰文：Jan
大閘蟹2023餐廳推介 | 1. 陶源酒家
鮑魚專門店「陶源酒家」，今年再度推出2小時無限任食大閘蟹放題，無限任食多種煮法嘅大閘蟹，包括清蒸大閘蟹、太雕酒蒸大閘蟹、油鹽焗大閘蟹，仲有多款滋味小菜、小食無限供應，如椒鹽海中蝦、避風塘雞中翼、脆鹵豆腐、川味牛柏葉等等。
此外亦有各類特色甜品，如楊枝甘露和蛋白杏仁茶等。每位客人更可享用特盛三式一份，包括鮑汁扣原隻鮑魚伴百靈菇、金湯小米燴遼參及蟹粉扒豆苗，份量十足！
另外，陶源今年更推出全新口味「花雕熟醉蟹」。嚴選鮮活大閘蟹，配以陳年花雕酒，馥鬱芬芳，甘香醇厚，只需以優惠價$88/隻即可品嘗得到。
【Info】
陶源酒家 – 2小時大閘蟹放題
價錢：
- 星期一至四 $528/位
- 星期五、六、日及公眾假期 $588/位
- 小童 7 折
預訂網站：https://bit.ly/3WeJVrF
分店地址：https://bit.ly/3RCkccW
大閘蟹餐廳推介 | 2. 大將
呢間和牛日式涮涮鍋放題餐廳，今年首次推出大閘蟹放題，大家可以一邊食大閘蟹，一邊食shabu shabu放題，火鍋材料包括11種肉類、7款海鮮及大量火鍋配料，當然仲可以無限時無限量嘅大閘蟹和肉類海鮮追加項目，價錢只需$398 ，非常抵食呀！
【Info】
大將 – 爆膏大閘蟹 + shabu shabu 放題
價錢：成人$398 (原價$498) / 小童或長者$268 (原價$336)
地址：將軍澳唐賢街9號PopCorn商場1樓F10號舖（大閘蟹放題只限將軍澳分店）
推出日期：2023年9月15日至另行通知
電話：2668 3370
官方Facebook：https://bit.ly/3RBasPO
大閘蟹餐廳推介 | 3. 个園竹語
主打江蘇揚州傳統菜式嘅个園竹語，今年推出「个園竹語六両大閘蟹套餐」，套餐設八道菜式，除咗可以品嚐到「足六両」大閘蟹公蟹之外，亦有滬式四拼盤、蟹粉蝦球燉蛋、鮮拆蟹粉燴魚翅、脆皮安格斯牛肉、椒鹽原條小黃魚、蟹粉小籠包同紫薯薑茶湯圓，相當豐富。
大閘蟹套餐由9月25日起推出，每位港幣588元正，數量有限，售完即止，想食大閘蟹嘅朋友就可以試下啦！
【Info】
个園竹語 – 个園竹語六両大閘蟹套餐
價錢：原價港幣988元正，現特價每位港幣588元正（2位起，另收加一服務費及茶芥）
地址：九龍尖沙咀廣東道25號海港城港威商場3樓3202號舖
營業時間：11:30 - 15:30、18:00 - 23:00
電話：2116 8328
WhatsApp 查詢：9858 9099
官方Facebook：https://bit.ly/3ZzG0aL
大閘蟹餐廳推介 | 4. 港島海逸君綽酒店（君綽軒）
港島海逸君綽酒店中菜廳君綽軒推出大閘蟹盛宴套餐。菜單精選包括清蒸五兩江蘇大閘蟹、紅燒蟹粉翅、蟹粉小籠包、蠔皇原隻八頭鮑魚扣海參、脆皮和牛臉及蟹肉燴伊麵等，非常豐富。套餐最後以一客暖胃散寒嘅薑茶芝麻湯丸為這大閘蟹盛宴畫上完美的句號。
【Info】
君綽軒 – 大閘蟹晚市套餐
價錢：$1,673（兩位用）
推出日期：2023年10月2日至11月30日
時間：18:30 – 22:00
地址：香港北角油街23號港島海逸君綽酒店五樓君綽軒
訂座網址：https://bit.ly/3PRrHLG
大閘蟹餐廳推介 | 5. 富臨海鮮酒家
富臨海鮮酒家推出兩小時任飲任食大閘蟹、片皮鴨放題，一次過任食大閘蟹、片皮鴨、多款小菜、主食、甜品、指定啤酒、汽水。
於kkday訂購除咗可享優惠價之外，更可特別加送珍味四饌包括蠔皇原隻鮑魚、花膠濃雞湯、生拆蟹粉扒豆苗、菠蘿生炒骨，以及每枱精選白葡萄酒一支，全港14間適用，今個秋天，約埋親朋好友去食大閘蟹放題啦！
【Info】
富臨海鮮酒家 – 兩小時任飲任食大閘蟹、片皮鴨放題
價錢：HK$468 (星期一至四)，HK$528 (星期五六日及公眾假期) (原價：HK$568)
供應時間：18:00 - 22:00
分店地址及訂座網址：https://bit.ly/3PW7rbT
大閘蟹餐廳推介 | 6. 香港W酒店（星宴）
香港W酒店星宴中餐廳推於出限定⼤閘蟹菜單，選用鮮美肉質和獨特風味而聞名嘅江蘇大閘蟹。⼤閘蟹足足有六両重，鮮甜爆膏，客人可以選擇體型較大，蟹膏硬身香口嘅雄蟹；或者體型較細，蟹膏軟身滑口嘅雌蟹，滿足唔同食客嘅喜好。
套餐用上矜貴食材，必試菜式「蟹粉扒百花煎釀花膠」，花膠煎炸後形成酥脆外皮，再將蝦膠釀入花膠中，加上新鮮大閘蟹製成嘅蟹粉，啖啖滋味。仲有「石窩鮑魚蟹粉燴飯」，用原隻鮑魚，配以吸收鮑魚同蟹粉精華嘅燴飯，每一口帶有濃郁嘅海鮮滋味。
【Info】 星宴 – 甘香大閘蟹盛宴 推出日期：2023年10月1日至11月30日 地址：尖沙咀柯士甸道西1號香港W酒店1樓 訂座電話：3717 2848 訂座網址：https://bit.ly/455yTYY
大閘蟹餐廳推介 | 7、8. 十里洋場 及 家上海
「十里洋場」同「家上海」都係飲食集團1957 & Co.旗下餐廳，今年齊齊推出大閘蟹宴，菜式係唔一樣㗎。最值得留意係，兩間餐廳都有超抵優惠，只要免費加入成為1957 & Co. Loyalty Program會員，就可以享有「二人同行，一人免費」嘅優惠，真係超值！
十里洋場
十里洋場嘅八道菜金秋大閘蟹饗宴先以四款開胃前菜打頭陣，包括蟹粉水晶肉凍、花雕醉螺、黑松露珍珠燻溏心蛋同涼拌胡椒豬肚絲。之後已經係重點菜式十里蟹皇翅及清蒸大閘蟹，隻隻蟹膏滿溢嘅大閘蟹都有大約四兩半至五兩重，夠晒足秤。嫌拆蟹麻煩嘅話，蟹粉料理就最啱合懶人，除咗蟹宴包括嘅菜式，包括有酥炸蟹粉蝦仁荔芋盞、麻辣蟹粉芙蓉三鮮蟹斗及蟹粉鹹魚雞粒炒飯同紅燒鮑魚鵝掌，大家仲可以單點一系列大閘蟹料理。最後以薑汁芝麻湯丸作結，驅走寒涼。
家上海
家上海嘅菜式就更有海家常菜嘅感覺。先以前菜寧波赤醬豬頭肉、花雕醉蝦、四喜烤麩及淮鹽溏心燻蛋揭開序幕，之後主角淮安蟹粉三絲翅及清蒸大閘蟹登場。仲有鮮甜嘅蟹粉水晶獅子頭，同埋惹味嘅麻辣蟹粉香酥竹炭豆腐，遷就晒唔同人嘅口味。不過小編最期待係蟹粉拌麵，麵條上面淋上佈滿油香嘅蟹粉，睇到都流口水。
【INFO】 十里洋場 - 金秋大閘蟹饗宴 推出日期：2023年10月1日至12月中旬 地址：銅鑼灣恩平道28號利園二期101號舖 訂座電話：2338 5500 價錢：原價每位$998(兩位起 ) 訂座網址：https://bit.ly/47bdrDe 家上海 - 金秋淮揚大閘蟹宴 推出日期：2023年10月1日至12月中旬 分店地址及電話：大角咀海泓道 1號奧海城三期地下G19-21號舖（2869 2228）／元朗元龍街9號YOHO MALL一樓1058號舖（2602 2218）、將軍澳重華路8號東港城一樓108號舖（2175 8633）／大圍車公廟路18號圍方三樓334號舖（2567 1957） 價錢：原價每位 $888(兩位起 ) 訂座網址：https://bit.ly/3FDCKlR
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
