舞動水滴展 | 香港都睇到全球最大水滴藝術裝置！今年金鐘添馬公園及中西區海濱長廊（中環段）將展出「舞動水滴展」，當中更有高達28.8米嘅巨型水滴裝置畀大家打卡，即刻入內文睇詳情啦！
圖片來源：官方圖片 | 撰文：Hedy
為慶祝東江水供港60周年，發展局及水務署由即日起至2025年6月13日於添馬公園及中西區海濱長廊（中環段）舉辦大型藝術展覽「舞動水滴展」。「舞動水滴展」嘅展品《舞動的水滴》，由國際著名藝術家馬興文創作，以象徵包容與生命力嘅水滴爲核心元素！裝置亦曾於威尼斯、羅馬、上海、杭州和迪拜展出！
舞動水滴展 | 28.8米高巨型水滴裝置！
今次「舞動水滴展」將會展出28.8米高嘅巨型水滴裝置，為全球最大嘅水滴藝術裝置。另外亦有18.8米高嘅巨型水滴裝置，兩者互相輝映，寓意着團結與共融。展覽亦包括百多個不倒翁小水滴裝置，代表不同區域兒童嘅參與，象徵多元文化與包容精神。
舞動水滴展 |「夜光水滴」裝置
除咗可以見到巨型水滴裝置，亦有近百個「夜光水滴」裝置，喺夜晚睇更會發光，畀大家近距離打卡～每人每日只可登記一個場次，每個場次最多5個名額，觀賞約20分鐘。參觀市民只可於已成功登記時段入場，並需向在場職員出示確認短訊，入場後按工作人員指示沿建議路線參觀。展覽入口設於添馬公園近政府總部東翼，市民可經由海富中心外行人天橋前往。
【INFO】 《舞動水滴展》 日期：即日起至2025年6月13日 時間：星期一至五13:00至19:50；星期六、日及公眾假期 13:00至22:50 地點：添馬公園及中西區海濱長廊（中環段） 預約網站：請按此
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
