賀年禮盒 | 拜年嘅時候點可以兩手空空？無論係去親戚屋企拜年定係去見家長，都一定要準備新年賀禮！一份得體嘅禮物絕對會深受長輩鍾意，仲未買賀年禮盒嘅大家，即刻睇睇有咩選擇。
圖片來源：官方網站 | 撰文：Hedy
1. 龍島——鯉躍龍門「魚蝦蟹」朱古力及曲奇禮盒
龍島推出鯉躍龍門「魚蝦蟹」朱古力及曲奇禮盒 ，當中除咗可以食之餘，更加可以玩，簡直係玩味感十足嘅賀年禮盒。當中入面更有多個新春包裝盒，包括葫蘆（魚蝦蟹骰子造型嘅榛子脆米黑朱古力）、金錢（金元寶造型嘅香蕉軟心黑朱古力）、公雞（蔥油千層酥）同曲奇等等。同時亦有以朱古力為籌碼，更附上「魚蝦蟹」遊戲板、骰盅同埋骰仔。食得又玩得，相當精緻！
【INFO】 《鯉躍龍門「魚蝦蟹」朱古力及曲奇禮盒》 禮盒內容：500、1,000、2,000、5,000籌碼黑朱古力（各4件）、香蕉軟心黑朱古力 (3件)、 榛子脆米黑朱古力 (5件)、蔥油千層酥 (4件) 、原味千層酥 (4件) 、櫻花蝦曲奇 (4件) 、蟹型牛油曲奇 (4件) 價錢：$468 訂購連結：https://bit.ly/3Ore2tL
2. 奇華餅家——迪士尼米奇與好友系列賀年糖果禮盒套裝
如果長輩喺鍾意可愛嘅賀禮，不妨入手呢款迪士尼米奇與好友系列賀年糖果禮盒套裝！夠晒喜慶之餘，更有米奇、米妮、唐老鴨、黛西同布魯圖等多個可愛嘅角色，戴上頭飾，為大家送上新年嘅祝福。禮盒入面更有南瓜籽脆糖、花生脆糖、黑糖杏仁脆糖同老姜糖，可以同米奇與好友們一齊開始好運嘅一年。當中更附送隔熱手套同埋圍裙1件，相當實用！
【INFO】 《迪士尼米奇與好友系列賀年糖果禮盒套裝》 禮盒內容：布魯圖 (花生脆糖12粒)、唐老鴨(花生脆糖12粒)、黛西(黑糖杏仁脆糖12粒)、米奇與米妮(南瓜籽脆糖12粒)、米奇(南瓜籽脆糖12粒) 、米妮(老薑糖12粒) 價錢：$514 訂購連結：需到門市購買
3. Paul Lafayet——「焰龍」賀年禮盒
由法國女插畫家Emilie Sarnel設計嘅焰龍迎春禮盒，以經典六角形全盒為設計，共有3層，配合盒上面嘅焰龍卡通，就相當適合龍年攞去拜年！首兩層包括多款手工藝曲奇、朱古力果仁、原片茶葉等。而底層就係特製嘅焰龍骨瓷碟，同時亦有一套焰龍利是封，無論喺攞嚟珍藏定係送畀人都相當適合，祝福大家喺龍年將會有新開始！
【INFO】 《2024焰龍迎春禮盒》 禮盒內容：手工藝曲奇禮盒 (6粒)、朱古力千核桃 (2粒)、紅棗碧根果 (2粒)、燕麥和葡萄干 (2粒)、朱古力士多啤梨 (乳酪味) (6粒)、朱古力士多啤梨 ( 士多啤梨味) (6粒)、頂級原片茶葉 (英式早餐茶和茉莉綠茶)、焦糖黑朱古力杏仁 (6 包) 價錢：$698 訂購連結：https://bit.ly/3SDc1Ns
4. Italian Tomato——Mofusand朱古力曲奇
日本超人氣貓咪mofusand登陸Italian Tomato，當中更推出「雙面刺繡Tote Bag連朱古力曲奇套裝」，選用比利時朱古力再配合職人嘅烘焙工藝，令你新一年相當幸福。食完朱古力之後更可以留起鐵管，收藏自己鍾意嘅嘢！仲有超可愛嘅mofusand袋，無論係翻工定休閒用都相當適合！送畀身邊嘅貓奴就最適合！
【INFO】 《mofusand雙面刺繡Tote Bag連曲奇套裝》 禮盒內容：朱古力曲奇 價錢：$298 訂購連結：https://bit.ly/3NNOS7Y
5. Venchi——Chocoviar禮盒
為咗慶祝龍年，Venchi特設含Chocoviar嘅農曆新年方形禮盒，並印有龍嘅設計，寓意新一年大家都可以擁有財富同好運！9款唔同口味嘅朱古力，絕對可以滿足唔同人嘅喜好，見到彩色咁繽紛嘅朱古力，每個見到都會搶住食，絕對係拜年送禮之選！
【INFO】 《2024 新年限定Chocoviar禮盒》 禮盒內容：朱古力（9粒） 價錢：$335 訂購連結：https://bit.ly/3ud5m3b
6. Valérie——蝴蝶酥及曲奇禮盒
人氣餅店Valérie集齊兩大人氣商品，包括酥脆嘅招牌蝴蝶酥以及曲奇餅，絕對可以令滿足唔同人嘅口味！招牌蝴蝶酥源自100%紐西蘭頂級牛油，一層一層用人手反覆摺疊出層次分明嘅千層酥皮，為大家帶嚟鬆化酥脆嘅蝴蝶酥口感！而曲奇則有宇治抹茶、法國咖啡、伯爵茶、宇治焙茶及花生五種選擇，啱晒想一次過試唔同味嘅你！
【INFO】 《精選蝴蝶酥及曲奇禮盒》 禮盒內容：招牌蝴蝶酥 (共10塊) 、5款曲奇 (共5塊) 價錢：$179 訂購連結：https://bit.ly/3vSY5Wy
7. 皇玥——新年金裝精選禮盒
想送禮畀長輩亦都可以選擇較為傳統嘅賀禮，皇玥推出新年金裝精選禮盒，入面有齊金脆條、蛋卷同蝴蝶酥，更採用獨立包裝。依家喺網上商店選購任何3盒節日禮盒，更可獲贈1盒皇玥新年品味精選禮盒！最啱一次過買嚟送畀親朋戚友！
【INFO】 《皇玥新年金裝精選禮盒》 禮盒內容：黃金脆條、蛋卷(原味、椰汁)以及蝴蝶酥(原味、伯爵茶) 價錢：$268 訂購連結：https://bit.ly/42tp1IU
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
