新年自助餐優惠2025 | 過完聖誕節之後，大家又要為嚟緊嘅新年做好準備，大時大節就最啱一家人去酒店食自助餐！無論係海鮮、壽司、甜品都應有盡有，依家仲有買2送1優惠！人均低至$210起，即刻入內文睇詳情啦！
圖片來源：klook | 撰文：Hedy
1月自助餐優惠 | 1. 九龍海逸君綽酒店自助餐 Harbour Grand Kowloon
想一邊睇住維多利亞港景色，一邊嘆美食，小編就推薦大家可以去試試九龍海逸君綽酒店自助餐！1月份就有超多精選美食，包括紅楚蟹、麵包蟹、三文魚籽、阿根廷紅蝦刺身、北海道帶子刺身、薑蔥炒鮮龍蝦以及紅燒花膠等等。甜品方面亦有蘋果金寶、榴槤蛋糕、士多啤梨白桃卷以及10款Mövenpick雪糕，絕對啱晒唔同人嘅口味～依家仲有限時優惠，凡購買自助晚餐(2位用），就送AIA嘉年華2024成人門票1張同10個代幣，食完飯去玩就絕對適合～
【INFO】 《九龍海逸君綽酒店》 自助餐優惠 -【自助晚餐 (兩位用) 送 AIA嘉年華2024 1位成人門票＋10個代幣】 優惠價：港幣$1,234起 -【低至79折】午市自助餐 優惠價：港幣$351起/位 -【低至79折】晚市自助餐 優惠價：港幣$617起/位 地址：香港九龍紅磡黃埔花園德豐街20號 立即預訂：https://bit.ly/3ZZgw7m
新年自助餐優惠 | 2. 香港沙田萬怡酒店 MoMo Café
MoMo Café喺1月推出「金玉滿堂 · 開年饗宴」，除咗有無限供應海鮮包括雪場蟹腳、鮮蜆 、愛爾蘭黃金螺、鮮蝦以及即開生蠔外，更有清蒸海上鮮、黑椒牛仔骨以及芝士菠菜焗蠔等，就算唔食得生冷嘢，都有大量熟食選擇！甜品方面就有Movenpick雪糕，仲有成12款口味揀，人均都只係$210起，絕對係抵食之選！
【INFO】 《香港沙田萬怡酒店 MoMo Café》自助餐優惠 -【優惠低至65折】 優惠價：港幣$210起 -【優惠低至6折】 優惠價：港幣$398起 地址：西營盤干諾道西167號 立即預訂：https://bit.ly/4iXKnGc
新年自助餐優惠 | 3. 唯港薈Hotel ICON The Market
鍾意食龍蝦嘅朋友絕對唔可以錯過！唯港薈Hotel ICON自助餐The Market推出阿拉斯加帝王蟹龍蝦饗宴，除咗保留即席燒烤鹽燒阿拉斯加蟹腳、新加坡黑胡椒炒肥肥蟹或貓山王黃金奶黃肥肥蟹外，亦有多款當造蟹種及龍蝦入饌製作特別滋味菜式，等大家都可以嘆盡各款美食！當中包括全新西班牙龍蝦海鮮燴飯、酥皮龍蝦濃湯、招牌新加坡式炒黑胡椒阿拉斯加蟹，食完之後絕對會令大家相當難忘！小編就推薦大家必試四川藤椒炒，仲有榴槤愛好者絕對唔可以錯過嘅迷你D24榴槤芝士撻及自家製榴槤雪糕等！
【INFO】 《The Market 阿拉斯加帝王蟹龍蝦饗宴》自助餐優惠 -【自助早午餐】 優惠價：港幣$712起 -【自助午餐】 優惠價：港幣$457起 -【自助晚餐】 優惠價：港幣$876起 地址：尖沙咀科學館道17號唯港薈2樓 立即預訂：https://bit.ly/4fBofhN
新年自助餐優惠 | 4. 香港喜來登酒店自助餐 The Café
新一年絕對要食返啲富新年意頭嘅菜式，香港喜來登酒店自助餐 The Café為大家提供金玉滿堂鴻運乳豬、發財好市蠔油髮菜蠔豉、鴻運當頭當紅炸子雞及豐衣足食蟲草花燉花膠湯等，加上巧手製作精緻甜品如大吉大利柑橘馬卡龍及黄金滿屋焦糖忌廉泡芙等，食完之後都可以開展豐衣足食嘅新一年！
【INFO】 《香港喜來登酒店自助餐 The Café》自助餐優惠 -【低至85折優惠】自助午餐 優惠價：港幣$350起 - 【低至8折優惠】自助晚餐 優惠價：港幣$646起 地址：九龍尖沙咀彌敦道20號咖啡廳 立即預訂：https://bit.ly/4fCsZUf
新年自助餐優惠 | 5. 港島香格里拉 Cafe TOO
cafe TOO咖啡廳係1月呈獻一系列經典香港滋味嘅自助餐盛宴，當中包括金湯花膠素翅湯或有米豬，仲可以享受即場烹製嘅避風塘炒龍蝦～就連一樂燒鵝同滷水乳鴿等燒味都食到。晚市仲有限定蒸新鮮龍蝦、藍鰭吞拿魚刺身、煙燻和牛及西班牙火腿雪糕等，為大家締造滋味無窮嘅盛宴。依家仲有快閃買2送1優惠，人均$397起！
【INFO】 《港島香格里拉 Cafe TOO》自助餐優惠 -【快閃買2送1】自助午餐 優惠價：港幣$1,191起 -【快閃買2送1】自助晚餐 優惠價：港幣$1,904起 -【自助午餐】 優惠價：港幣$492起 -【自助晚餐】 優惠價：港幣$787起 地址：中區法院道太古廣場7樓 立即預訂：https://bit.ly/40c2HUA
新年自助餐優惠 | 6. 屯門 Hotel COZi Resort The Platter
今個新年可以帶埋屋企人去屯門 Hotel COZi Resort The Platter品嚐鵝肝花膠臻選自助餐，等大家都可以新一年享用燉蟲草花鲍魚螺片湯、雲腿花膠鵝掌扒翡翠、清蒸海上鮮、香煎鵝肝多士以及金沙蝦等等，帶畀你如皇室一樣嘅臻致享受！趁依家仲有買二送一優惠，就要早啲book定啦！
【INFO】 《屯門 Hotel COZi Resort The Platter》自助餐優惠 -【快閃優惠｜買二送一】鵝肝花膠臻選自助晚餐 優惠價：港幣$1,237起 地址：屯門建豐街4號 悦品度假酒店‧屯門 2樓 立即預訂：https://bit.ly/40fy1l6
新年自助餐優惠 | 7. 荃灣西如心酒店 Café Circles
荃灣西如心酒店 Café Circles分別提供冬日珍饈滋養盛筵以及新春賀年珍饈自助餐主題畀大家選擇～廚師團隊嚴選多款時令養生食材，包括南乳炆豬手、滋補雙冬燜羊腩*、蟲草花螺頭燉湯以及鮑魚雞粥等！而係新年期間，亦有一系列傳統賀年美饌同大家迎新春，有三文魚撈起、髮菜蠔豉炆豬利、蠔皇花菇扣鵝掌、薑蔥波士頓龍蝦以及炆鮑魚棉花雞煲等。新春賀年珍饈自助餐只會喺1月27日至2月2日供應！
【INFO】 《荃灣西如心酒店 Café Circles》自助餐優惠 -【低至77折】自助午餐 優惠價：港幣$347起 -【低至73折】自助晚餐 優惠價：港幣$519起 地址：香港荃灣楊屋道8號荃灣西如心酒店9樓 立即預訂：https://bit.ly/3VV81ZZ
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
