高雄好去處｜帶小朋友去高雄又多一個親子好去處喇！由舊台鐵高雄機廠全新打造嘅「高雄親子遊樂園區」，已經正式開園喇！有齊雲朵彈跳床、天車雲朵網遊藝裝置以及抱石攀岩場等30項免費設施，絕對啱晒小朋友同大人齊齊放電～即刻入內文睇詳情喇！

圖片來源：高雄市政府全球資訊網 | 撰文：Hedy

以後去高雄又多一個免費新景點喇！高雄最新登場嘅高雄親子遊樂園區，為半室內親子樂園，就算太陽超曬又或者落雨，都完全唔使擔心天氣問題！呢個親子遊樂園區由歷史悠久嘅台鐵高雄機廠活化改建而成，園區內精心規劃高達30項分齡分區嘅遊憩同運動設施，滿足唔同年齡人士嘅需要，絕對係小朋友同大人都可以同時放電！重點係呢入面嘅設計完全免費，玩足大半日都冇問題～

30大設施

園區入面有齊30大設施，絕對係可以畀大家盡情玩！入面有全台首創嘅天車雲朵網遊藝裝置，結合巨型天車與高空繩網，等小朋友盡情攀爬穿梭！同場亦有 Pump Track 輪動坡道場，無論係幼兒滑步車、小朋友自行車定係大人嘅越野車都可以喺度玩。另外，仲有超受歡迎嘅熱帶雲霧遊戲場，設雲朵彈跳床與涼爽微霧，絕對係放電又消暑～鍾意打卡嘅朋友，仲可以嚟到鐵道體驗區影相，舊軌道化身人力台車、老火車廂變成特色賣店同休憩區。

+2
【INFO】
《高雄親子遊樂園區」》
開放時間：09:00至19:00
開放日期：一般期間｜週三至週日、寒暑假期間｜週二至週日
地址：高雄市鳳山區武慶二路221號
交通：輕軌C35凱旋武昌站步行約1分鐘；100路公車至武慶路「鐵路機廠」站

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk