《蒙娜麗莎的微笑》貓抓板 變身貓奴？藝術感十足！

貓奴注意！泰國兩大創意寵物品牌合作，推出一系列貓咪用品，當中一上架就引起大家注意嘅一定係「蒙娜麗莎貓抓板」！經典名畫變成貓抓板，貓貓坐入去就好似被蒙娜麗莎抱住一樣，藝術感十足！

圖片來源：IG@themeowseum.th、IG@kafbo_ig｜撰文：Sharon

泰國寵物品牌Meowseum同KAFBO聯名推出「蒙娜麗莎貓抓板」，玩味十足，一推出即引起熱論！將經典名畫變成貓貓畫框，貓貓坐入去之後，就好似被蒙娜麗莎抱住，變成一幅「蒙娜麗莎抱貓」，非常搞笑！除咗畀貓貓使用，放喺屋企仲可以當室內裝置～

另外，仲有以《維納斯的誕生》為靈感嘅「維納斯貓抓板」，還原貝殼底座，並模擬海水做出波浪狀細節，非常精緻！最重要係，KAFBO嘅貓抓板堅固又耐用，採用環保無毒物料製成，貓貓可以玩得更安心！各位貓奴梗係要入手返幾個藝術品畀主子們玩下喇！