深圳近年多咗唔少室內遊戲設施，位於前海嘅「室內潮玩街區HOP-DX」擁有超過100個玩樂項目，包括碰碰車、室內滾軸溜冰場、迷你高爾夫球場等，無論大人定細路都非常啱玩，即睇內文了解更多喇！
圖片來源：klook｜撰文：Sharon
「室內潮玩街區HOP-DX」位於寶安前海HOP天地，佔地16萬平方呎，由運動館、電玩城、親子區組成，擁有超過100多項玩樂設施任你玩！場內分為五大主題區，包括運動競技區，社交休閒區，電玩機械區，科技互動區，文創內容區。當中有室內滾軸溜冰場、九洞實景迷你高爾夫球場、保齡球區、碰碰車等，而滾軸溜冰場更係全深圳最大，佔地過萬呎！
另外，場內亦有其他玩樂設施，包括跳舞機、推銀機、夾公仔機、桌遊室、占卜房、KTV房等。HOP-DX潮玩運動街區特設親子區，為小朋友打造專屬嘅玩樂空間，有沙池、DIY手工區、換裝遊戲等可以玩！
最特別係遊戲場內有Livehouse，可以一邊享用美食、一邊睇現場表演，非常Chill～隔離嘅自助精釀區更有一整面啤酒牆，有22款精釀啤酒畀大家選擇！今個weekend，不如約埋朋友一齊上深圳玩，齊齊挑戰各項遊戲啦！
【INFO】 《HOP-DX潮玩運動街區》 地址：深圳寶安區新安街道海旺社區興華一路19號前海HOP天地購物中心B1 交通：深圳地鐵5號線寶華站B2出口 營業時間：10:00 - 24:00 門票預訂：https://bit.ly/3EKrqXy
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
