話咁快4月已經過左一半，雖然前2日有雨涼翻小小，但今個星期又開始熱翻啦！踏入5月，唔知大家準備好迎接夏天未呢？而家帶住口罩出街，無論係巴士站等車定係行路，不消5分鐘，成個人就可以又頭濕到落腳趾尾。講到盛夏必備嘅消暑對策，好多OL同上班族都會選擇常備一部小型嘅手持電風扇～小編自己都唔例外，今日除左幫大家整合左一堆風力強嘅風扇仔，當中亦不乏造型可愛獨特，仲可以客製化嘅設計！而家即刻一齊望下啦！
圖片來源：hktvmall、pinkoi｜撰文：candice
消暑必備手持電風扇1.共田 摺疊式芭蕉扇
要數風力最強嘅手持電風扇一定係共田嘅芭蕉扇，呢款風扇仔相信係近幾年夏天人人必備嘅消暑聖物！除左含USB充電，無論係手持定摺起黎座枱擺放都一樣得，超級方便！另外仲有多款顏色選擇，價錢仲超級親民，大家都快D入貨準備對抗炎夏啦！
價錢：HKD$44 （按此購買）
消暑必備手持電風扇2. OTHER 韓國設計USB隨身扇子
唔鍾意太大風吹住嘅朋友，亦有其他手持風扇可以選擇。
呢款由韓國OTHER出產的小風扇設計簡約，一共有4個顏色，包括薄荷綠、嫩粉紅、白色、寶藍色。
同樣設有底座可以接駁使用，很適合OL們使用！
價錢：HKD$139（按此購買）
消暑必備手持電風扇3. Lumena 韓國超迷你便攜式風扇 FAN C
同樣是由韓國品牌生產，Lumena是繼共田芭蕉扇後的迷你風扇界人氣熱賣皇！
這部2020新出的型號Fan C只有手掌大小，超迷你但風力強勁，產品有4段風俗可以選擇，最強風力達50km/h風速，放喺褲袋、手袋都可以～岩曬平時鍾意帶細袋仔出街個女仔，絕對唔會佔位！
價錢：HKD$148 （按此購買）
消暑必備手持電風扇4. I/IX日本人氣WFan 2021最新款渦輪式風扇
如果你係鍾意運動嘅朋友，手持式電風扇就未必適合你，不過而家市面上都推出左唔少掛頸式嘅渦輪風扇，可以比大家一邊跑步、行山都吹住涼風，係炎炎夏日就唔洗怕中暑啦～
除左白色，風扇亦有灰色、藍色同粉紫色！超級罕見～
價錢：HKD$268 （按此購買）
消暑必備手持電風扇5. Fatboy 便攜式迷你手持相機風扇
如果想再追求極致嘅輕巧，就要試試fatboy呢部超迷你手持相機風扇啦！
成部風扇只係重68克，扁平嘅形狀一手就握得曬，真系好似部迷你相機咁，厚度仲薄過一部手機添！
想慳位的話，絕對要選擇呢部！
價錢：HKD$58（按此購買）
消暑必備手持電風扇6. ONPRO 電競風格客製化刻字隨身電風扇
睇左咁高多性能嘅熱賣電風扇，如果想拎出街時顯得獨特d，可以考慮下以下選擇～
呢部風扇已電競主題設計，就連上面嘅按鈕都好似一部Gameboy一樣，型格嘅外觀岩曬男仔夏天帶出街用！
另外客人仲可以自訂客製化句子，只需於下單時備註清楚，設計師就會以雷雕技術將電風扇變得個人化！
價錢：HKD$246（按此購買）
消暑必備手持電風扇7. 專利清涼霧化電風扇
如果你係每日都要化妝嘅OL，更係唔可以錯過呢部具備霧化功能嘅電風扇！
電風扇除左有三段風速可供調教，機身中央有一個球形出水位，具有噴霧保濕功能，可以比肌膚隨時保持滋潤，就好似吹緊冷氣咁！各位OL等巴士時就唔洗怕融妝啦～
產品有粉紅及白色2款顏色，中間的球形出水位仲有可愛卡通裝飾添！
價錢：HKD$189（按此購買）
消暑必備手持電風扇8. SwitchEasy Gelato 便攜式甜筒風扇
香港嘅夏天咁熱當然要食雪糕！唔知當電風扇遇上雪糕外型設計，望落又會唔會更加透心涼呢？
望上去雖然完全唔似係風扇，但單憑外觀就已經夠曬獨特有新意，玩味十足！
雪糕風扇有5款顏色，仲分別代表左唔同口味嘅甜筒添～
價錢：HKD$128（按此購買）
消暑必備手持電風扇9. 迪士尼 TSUM TSUM便攜式風扇
價錢：HKD$69（按此購買）
消暑必備手持電風扇10. 迪士尼小熊維尼便攜式風扇
價錢：HKD$69（按此購買）
最後又點少得卡通造型嘅可愛角色主題風扇呢！鍾意TsumTsum同小熊維尼嘅朋友記得入手啦～
相關文章：
【春天抽濕攻略💦 4大消委會最高評分抽濕機推介+選購貼士】
