去日本旅行買手信，想搞搞新意，呢款手信一定啱晒大家！日本山梨縣最近推出「藍色富士山烏冬」，賣相超吸引，仲好簡單就可以模擬富士山嘅壯麗景觀！想知道邊度可以買，即睇內文！
圖片來源：官方圖片｜撰文：Sharon
日本山梨縣最近推出「藍色富士山烏冬」，賣相超吸睛！藍色麵條用咗梔子花色素製作，天然且無色素，食落完全可以放心！官方指，呢款烏冬同普通烏冬嘅味道無太大分別，麵條口感Q彈！
「藍色富士山烏冬」嘅包裝上附有「還原富士山」食譜，想喺屋企重現富士山美景就可以跟住做！將麵條放入熱水煮熟約6分鐘，再用冷水沖洗，然後將烏冬疊成富士山嘅形狀，再將白蘿蔔泥或山藥泥放喺烏冬嘅頂部位置，簡單步驟即可完美還原富士山！
有興趣嘅朋友依家只需要到山梨縣內嘅各個「道之駅」或官網就可以買到，用嚟做手信簡直一流啊！
【INFO】 《藍色富士山烏冬》 購買地點：山梨縣內「道之駅、官網 建議零售價：798日圓 （約港幣$42）
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
