遊樂場 | 又有多個戶外遊樂場畀小朋友玩喇！全港首個以天水圍濕地為主題嘅戶外遊樂園「Town玩天地」將會喺12月登錄，佔地逾32,000平方呎，當中有6米高樹屋等9項遊樂設施。想知地址嘅就記得入內文睇喇！
圖片來源：官方圖片 | 撰文：Hedy
「Town玩天地」將會喺12月正式登陸天水圍旗艦購物中心T Town，一眾濕地物種喺濕地之星候鳥黑臉琵鷺BillBill及本地雀鳥代表紅耳鵯BulBul帶領下，將會進駐T Town北館頂層嘅全新戶外遊樂園「Town玩天地」。佔地逾32,000平方呎嘅遊樂園區，設有絢麗多彩充滿濕地物種特色嘅七大區域，包括6米高樹屋滑梯與5米高歷險塔等九項遊樂設施，適合3至12歲嘅小朋友盡情放電～
遊樂場 | 6米高樹屋！
獲獎無數嘅設計團隊One Bite以繽紛絢爛色調設計活力澎湃嘅免費遊樂設施，當中包括高達5米高嘅「BillBill歷險塔」，上面仲有「濕地之星」黑臉琵鷺BillBill等緊大家，等小朋友享受喺半空中攀爬嘅快感。想挑戰全樂園最高點就一定要登上「BulBul樹屋」，紅耳鵯BulBul於6米高嘅樹屋屋頂發出召喚，小朋友沿樓梯登頂後，可以高速滑到地面，感受紅耳鵯喺空中俯衝嘅刺激感覺。
遊樂場 | 9大濕地動物主題遊戲設施
場內亦有唔少以濕地動物為主題嘅遊戲設施，當中包括「Town玩琵嘴鴨」、「Town玩招潮蟹」，區內仲有「橫行平衡木」同「蟹仔彈跳球」，測試自己嘅平衡力同跳躍力。身手好嘅朋友就可以挑戰埋自己嘅身體定力同彈條力，大家可以去「Town玩紅樹林」區域，登上「靈貓轉轉樂」考驗旋轉定力。而想爭奪彈跳之王美譽嘅朋友，就可以去「樹蛙彈彈床」一決高下！喺濕地泥灘上活躍跳動嘅彈塗魚亦會喺「Town玩彈塗魚」區域邀請你發揮跳躍潛能。最後仲有小朋友相當鍾意嘅平衡車，記得要嚟「Town玩平衡車場」玩喇。
【INFO】 《Town玩天地」》 開幕日期：2025年12月21日 開放時間：10:00至20:00 地址：天水圍T Town北館空中花園新界元朗天水圍天華路30及33號
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
