大埔Lake House聖誕 | 今個聖誕節想帶埋毛孩過一個不一樣嘅聖誕，就推薦大家嚟大埔參加一場充滿夢幻與浪漫嘅節慶盛會，喺聖誕節中可以坐湖上聖誕雪橇小船，仲可以同白金色聖誕樹打卡，超有氣氛！
圖片來源：官方圖片 | 撰文：Hedy
大埔Lake House將會舉辦「 Moon Light Glitter 2024」，當中必定要去白鷺湖10米浪漫閃爍聖誕樹到打卡！璀璨嘅燈光照亮湖面，配搭埋白金色嘅聖誕樹，超靚啊！大家仲可以喺現場體驗到如詩如畫嘅雪景，齊齊喺浪漫雪屋入面打卡！享受浪漫嘅聖誕夜就絕對要喺白鷺湖上坐上聖誕雪橇小船，隨著湖水輕輕搖曳～坐船後更有多個打卡場景，包括8米高聖誕樹以及白夜星辰裝置打卡位等！西餐廳Billow將被胡桃夾子裝飾所環繞，平安夜及聖誕節當日更有限定菜單，邊享受美食之餘邊嘆美景～
大埔Lake House聖誕 |「 Moon Light Glitter 2024」詳情
想過一個浪漫嘅聖誕節，就記得要把握機會嚟啦～Lake House Moon Light Glitter 2024將會喺12月13至15、21至29日舉行，大家都可以搭免費穿梭巴士來回大埔墟港鐵站及Lake House。收費方面就分為2款，第一款為$100/位，包括通行證一張加聖誕雪橇小船通行証一張，每節15分鐘，需夾船。而第二款則為$240/位，包括通行證兩張加聖誕雪橇自動艇十分鐘。3歲以下或65歲以上人士可以免費進場，活動為寵物友善場地，大家都可以帶埋毛孩一齊過歡樂嘅節日！
【INFO】 《LAKE HOUSE Moon Light Glitter 2024》 日期：2024年12月13至15、21至29日 時間：18:00至23:00 (最後入場時間22:30) 地點：新界大埔滘紅林路2號 門票價錢： $100/位 （包括通行證一張+聖誕雪橇小船通行証一張；每節15分鐘/須夾船） $240/位（包括通行證兩張+聖誕雪橇自動艇十分鐘） *門票即日發售，不設預約 活動查詢：9103-9467(whatsapp)
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
