深圳年貨｜就快又到農曆新年，相信大家都開始忙住辦年貨，小編特別整合7大深圳辦年貨市場，唔單止免費入場，部分賀年食品更會以超抵批發價出售，即睇以下詳情啦！
圖片來源：小紅書 @愛上小羅號、小紅書 @YOYO在深圳、小紅書 @懶娜樂分享、小紅書 @愛吃可可烤餅的球球、小紅書 @一粒方、小紅書 @愛旅行的胡哥、小紅書 @南山小姐姐、小紅書 @小紅薯6717DC36 | 撰文：Icy
深圳辦年貨市場 | 1. 筍崗玩具文具禮品批發市場
位於寶安區嘅「筍崗玩具文具禮品批發市場」樓高四層，匯聚五花百門嘅玩具、文具、廚具、飾物、派對用品、模型等，部分貨品價錢比淘寶更平。每逢農曆新年前夕，場內商戶都會上架大量年貨，包括揮春、燈籠、利是封、應節裝飾等，價錢低至¥3起！
【INFO】 筍崗玩具文具禮品批發市場 地址：深圳羅湖區寶安北路2011號 前往方法 : 深圳地鐵7號線「筍崗站」E出口，步行約5分鐘 營業時間：星期一至日 08:00-19:00
深圳辦年貨市場 | 2. 福田農產品批發市場
位於福田嘅「福田農產品批發市場」鄰近福田星河COCO Park，人流非常旺。市場佔地逾10萬平方米，環境寬敞整潔，匯聚超過2,000個商戶，售賣各式農產品及食品，包括蔬菜、水果、海味、乾貨、藥材、花卉及家品等。部分貨品即使只買一件，亦可以享有批發價！
【INFO】 福田農產品批發市場 地址：深圳福田區梅林街道梅林路110號 前往方法 : 深圳地鐵9號線「梅景站」C出口，步行約3分鐘 營業時間：星期一至日 08:00-18:00
深圳辦年貨市場 | 3. 紫荊城食品交易中心
位於華強北嘅「紫荊城食品交易中心」，集合琳琅滿目嘅過年食品、零食、飲品、冰凍甜點等，就算只買一件，都可以享有批發價。場內仲有款式得體又大方嘅洋酒同禮盒選擇，當中更包括香港珍妮曲奇，非常適合過年送禮或自用。
【INFO】 紫荊城食品交易中心 地址：深圳福田區振興路55號 前往方法 : 深圳地鐵7號線「華強北站」B出口，步行約5分鐘 營業時間：星期一至日 10:00-22:00
深圳辦年貨市場 | 4. 曼哈商業廣場
同樣位於華強北嘅「曼哈商業廣場」，售賣嘅貨品種類同「紫荊城食品交易中心」相近，主打各式年貨、零食及禮盒，價錢低至¥10起，選擇大包裝嘅話性價比會更高。而場內商戶嘅價錢統一透明，唔使擔心格價或者買貴，買得放心。
【INFO】 曼哈商業廣場 地址：深圳福田區華強北路2022號 前往方法 : 深圳地鐵7號線「華強北站」B出口，步行約5分鐘 營業時間：星期一至日 10:00-21:00
深圳辦年貨市場 | 5. 華南城年貨節
由2026年1月11日至2月11日，龍岡華南城將會舉辦 「華南城年貨節」。現場販售各式美食、洋酒、服裝、飾物、家品雜貨等，價錢實惠，部分貨品就算買一件都可享有批發價，而且免費入場，一站式滿足過年採購需求～
【INFO】 華南城年貨節 地址：深圳龍崗區平湖街道華南城2號交易廣場負一樓 前往方法 : 深圳地鐵10號線「華南城站」C出口，步行約5分鐘 營業時間：2026年1月11日至2月11日 10:00-22:00
深圳辦年貨市場 | 6. 南貿市場
位於南山區嘅「南貿市場」，各式賀年零食應有盡有，包括乾果、瓜子、堅果、餅乾、糖果等，價錢低至¥15起一斤。顧客可以自由搭配款式，散裝或禮盒包裝都得，方便自用或送禮。另外市場亦有各式利是封、揮春等應節用品，方便顧客採購過年用品。
【INFO】 南貿市場 地址：深圳南山區南貿街華為體驗店東側 前往方法 : 深圳地鐵1號線「桃園站」B出口，步行約8分鐘 營業時間：星期一至日 09:30-17:00
深圳辦年貨市場 | 7. 海吉星農批市場
位於龍崗嘅「海吉星農批市場」屬於深圳一級綜合批發市場，農產品嘅品質同安全都有保障。市場供應深圳市內超過85%嘅農產品，包括進口水果、乾貨、茶葉、凍品、生鮮等，種類齊全，選擇非常多～
【INFO】 海吉星農批市場 地址：深圳龍崗區丹農路海吉星 前往方法 : 深圳地鐵3號線「丹竹頭站」A出口，轉乘巴士至海吉星巴士總站 營業時間：星期一至日 09:00-19:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
