哈利波特迷注意！繼倫敦同東京後，全球第三個哈利波特影城將2027年底登陸上海，仲要係全球最大嘅霍格華茲魔法世界！以後唔使去到倫敦同東京，近近地都有得玩喇！各位Harry Potter粉絲一定唔可以錯過啊！
圖片來源：官方圖片｜撰文：Sharon
華納兄弟Warner Bros.與錦江國際集團合資，打造「華納兄弟（上海）製片廠之旅—哈利波特的誕生」，進駐上海錦江樂園，將會喺全球最第三座嘅哈利波特影城！預計今年下半年動工，2027年年底開幕，令人非常期待！
上海錦江樂園除咗酒店、摩天輪等設施，園區內原有設施將全部拆除，並改成哈利波特的魔法世界，分為室內展示區與戶外互動空間，體驗館佔地約5.3萬平方米，比起日本同英國更大，成為全球最大嘅霍格華茲魔法世界。場內有標誌性場景包括霍格華茲城堡同對角巷，大家可以欣賞到原版電影道具與服裝，仲有唔少嘅互動裝置畀大家玩，齊齊進入霍格華茲嘅世界，一嚐當魔法師嘅滋味！
上海錦江樂園有限公司指，上海嘅哈利波特影城將會加入獨特嘅中國元素，打造與倫敦同東京不一樣嘅哈利波特影城！屆時會採取預約制，門票價格會對應倫敦同東京哈利波特影城，大家又期待嗎？
【INFO】 《上海哈利波特影城 - 錦江樂園》 地址：中國上海市閔行區虹梅路201號
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
