吉卜力公園 | 各位宮崎駿粉絲有機會一定要去吉卜力主題公園參觀！吉卜力公園最後一個園區「魔女之谷」將會喺今年3月16日正式開幕，當中大家更可以喺度親眼睇到《魔女宅急便》琪琪之家同Gutiokipanja麵包店，即刻睇睇仲有咩玩！
圖片來源：官方網站 | 撰文：Hedy
吉卜力主題公園位於日本愛知縣長久手市嘅愛地球博記念公園，以吉卜力工作室曾推出嘅動畫電影嘅一個主題樂園。園內設有5大主題區包括「青春之丘」、「吉卜力大倉庫」、「DONDOKO之森」、「幽靈公主之里」以及「魔女之谷」。而最後一個主題區「魔女之谷」亦已經打造完成，當中包括《魔女宅急便》、《哈爾移動城堡》以及《安雅與魔女》3套動畫電影。
吉卜力公園 | 真實麵包店！
「魔女之谷」係以吉卜力工作室作品中出現嘅魔女為主題，重現出歐洲風情嘅區域，當中大家更會喺度參觀琪琪嘅屋企以及Gutiokipanja麵包店！麵包店真係可以畀大家買到唔同類型香噴噴嘅麵包同甜品，仲有限量發售嘅麵包，簡直令你沉浸感十足！唔知麵包味道又會係點呢？
吉卜力公園 | 遊樂設施
除咗將經典電影場景真實再現之外，園內更有唔同嘅遊樂設施。喺電影出現過嘅角色以及具有特色嘅交通工具，都將會再次出現喺旋轉木馬中，畀大家乘坐。同場亦有以吉卜力作品中出現過嘅飛機為藍本嘅飛行機械遊戲，相當適合小朋友乘坐！除咗打卡之外，更可以滿足你想玩機動遊戲嘅心願！玩完之後附近亦有商店畀你購買紀念品，留低開心嘅回憶。
吉卜力公園 | 6米高哈爾移動城堡
行入去魔女之谷，可以見到高達6米高嘅哈爾移動城堡，超級壯觀！活生生嘅城堡更會喺你面前郁動，每小時都會有數次嘅演出，城堡更會開始移動以及噴煙，親眼目睹一定好驚喜！同時亦有「Hatter帽子店」販賣帽子同糖果罐，就同當時蘇菲喺工作室嘅場景環境一模一樣！而2樓就重現浴室、客房以及客廳等場景。
【INFO】
《吉卜力主題公園》
價錢：吉卜力公園大散步券（平日：約港幣$182/假日：約港幣$208）吉卜力樂園大散步券PREMIUM（平日：約港幣$380/假日：約港幣$405）
開放時間：平日10:00至17:00(星期二休息）/ 假日9:00至17:00
地址：日本 Aichi, Nagakute, Ibaragabasama, 乙1533-1 内 Expo 2005 Aichi Commemorative Park (Moricoro Park)
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
