Chiikawa彩繪列車 | Chiikawa粉絲注意啦！「超好吃!!Chiikawa壽司」將會登陸台灣華山快閃店，除咗可以同小可愛們打卡影相之外，仲有多款主題商品以及Chiikawa壽司彩繪列車，近排去台灣嘅朋友要去啦！
圖片來源：官方圖片 | 撰文：Hedy
最近去台灣嘅朋友如果鍾意chiikawa就記得去啦！「超好吃!!Chiikawa壽司」吉伊卡哇華山快閃店，將於3/22起喺華山1914文化創意產業園區正式開幕！快閃店入面將會賣日本原裝壽司系列限定周邊，更推出壽司盤、醬油碟以及筷架等！甚至仲有Chiikawa壽司店同款迷你關東旗，等大家都可以重現Chiikawa壽司店場景！喺活動期間購買壽司主題商品單筆消費滿台幣1,500元，即可獲得特典 筷子造型原子筆一支，數量有限，送完為止！有興趣嘅朋友要留意，活動首三日將採用LINE線上整理券 進行入場管制，詳細入場資訊將於稍後公開！
+3
【INFO】 《「超好吃!!Chiikawa壽司」吉伊卡哇華山快閃店》 日期：2025年3月22日至6月15日 時間：11:00至20:00 地點：華山1914文化創意產業園區 中2館
Chiikawa台灣快閃店 | Chiikawa迴轉壽司吧台
除咗必去快閃店Shopping之外，活動特別為咗台北華山站量身打造迴轉壽司吧台、三層壽司圓台等創意場景，三位鎧甲先生也化身為壽司師傅，歡迎大家去壽司吧台入座打卡拍照。
Chiikawa台灣快閃店 | Chiikawa壽司彩繪列車
由即日起至4月11日，大家只要乘搭台北捷運板南線，就有機會巧遇Chiikawa 壽司彩繪列車！車身以黑色同金色為基調嘅彩繪，就連小可愛們都化身成為壽司，返工或者收工見到都會超開心！
+2
【INFO】 《Chiikawa壽司彩繪列車》 日期：即日起至4月14日 地點：台北捷運板南線
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
