深圳水上樂園｜放假就最適合一家大細去水上樂園玩！深圳有多個超大型嘅水上樂園，設施先進又刺激，無論你想輕鬆玩水定係挑戰極限，都可以搵到心水。小編精選咗7大深圳水上樂園，最抵$34就可以玩全日，即睇以下介紹啦！
圖片來源：小紅書 @小豚鼠的霸霸、小紅書 @小周语和盖妈探深圳、小紅書 @CC麻麻是Yuki、Trip.com | 撰文：Icy
深圳好去處 | 1. 瑪雅水公園
瑪雅水公園以瑪雅文化為主題，周圍佈滿瑪雅建築及瑪雅象形文字，令人彷彿置身熱帶雨林中。樂園擁有逾20種水上設施，包括全球僅3部、近乎垂直嘅水上跳樓機「羽蛇神環」，以及長達15米嘅彩虹滑梯。園內亦設有5大親子戲水區，提供噴水裝置、水上蹺蹺板、攀爬網等兒童設施，等大家玩得安全又開心～
【INFO】 瑪雅水公園 地址：深圳南山區僑城西街1號歡樂谷 營業時間：毎日 10:00-22:00 票價：成人￥150、兒童￥99 交通：深圳地鐵1號線世界之窗站A出口
深圳好去處 | 2. 觀瀾湖親子水樂園
觀瀾湖親子水樂園佔地達20,000平方米，設有多個合家歡主題區域，例如直徑22米嘅水上城堡、超長彩虹滑梯，提供各式各樣嘅水上玩具。另外亦有比較刺激嘅大喇叭滑道、巨峽漂流河、浮橋等等，無論大人細路都可以玩得盡興！
【INFO】 觀瀾湖親子水樂園 地址：深圳龍華區觀瀾街道高爾夫大道1號 營業時間：平日 10:00-20:00 / 假日 09:30-20:30 票價：觀瀾湖生態運動公社+水樂園套票￥96 交通：深圳地鐵4號線觀瀾湖站A出口
深圳好去處 | 3. 大運沐森水世界
大運沐森水世界主要為小朋友而設，水深最高只有約45cm，確保小朋友玩得安心。園內提供多款動物造型嘅水上娛樂設施，例如具備攀爬網及水槍嘅巨型章魚滑梯、鴨仔及海豚浮床等等，好適合帶小朋友去放電～
【INFO】 大運沐森水世界 地址：深圳龍崗區青春路200號 營業時間：毎日 10:30-21:30 票價：成人￥29、兒童￥89、家庭（一大一小）￥99 交通：深圳地鐵16號線大運中心站C出口
深圳好去處 | 4. 世界之窗侏羅紀水世界
2024年全新開放嘅世界之窗侏羅紀水世界，以恐龍棲息地為主題，打造出恐龍滑道、恐龍漂流河、恐龍戲水池、恐龍御水訓練營等水上設施。園內更設有1:1比例嘅長頸巨龍、口中會噴出水柱嘅暴龍等打卡位，猶如穿越時空返到侏羅紀時期！
【INFO】 世界之窗侏羅紀水世界 地址：深圳南山區深南大道9037號世界之窗 營業時間：毎日 10:30-21:30 票價：成人￥220、兒童￥110、夜場￥120 交通：深圳地鐵1號線世界之窗站J出口
深圳好去處 | 5. 星高度雲裡夢想水世界
位於龍崗坂田嘅星高度雲裡夢想水世界，佔地近30,000平方米，以夢幻粉紅為主題，打造3大主題場景，包括火烈鳥之森、遇見海豚灣、以及獨角獸城堡。當中設有粉紅高速滑道、粉紅遊樂園、粉紅沙灘、特大造浪池等等，唔使去海邊都可以同浪花親密接觸，刺激之餘又igable～
【INFO】 星高度雲裡夢想水世界 地址：深圳龍崗區坂田街道發達路雲里智能園 營業時間：平日 13:30-21:30 / 假日 10:00-21:30 票價：成人￥63.4、兒童￥63.4、家庭（兩大一小）￥174.88 交通：深圳地鐵5號線坂田站D出口
深圳好去處 | 6. 大梅沙海灘水上樂園
大梅沙海灘水上樂園主要提供大型充氣娛樂設施，例如海綿寶寶充氣城堡、充氣北極雪山、水滑梯、波波池等等，水池深度較淺，好適合帶小朋友去玩。另外仲有人工泡泡泳池，就算夏天都能夠感受從天而降嘅泡沫飄雪，非常夢幻～
【INFO】 大梅沙海灘水上樂園 地址：深圳鹽田區大梅沙鹽梅路9號大梅沙海濱公園 營業時間：平日 10:00-20:00 / 假日 10:00-21:00 票價：成人￥74.33、兒童￥31.48、家庭（一大一小）￥96.19 交通：深圳地鐵8號線大梅沙站B出口
深圳好去處 | 7. 海上田園親水樂園
位於寶安區嘅海上田園親水樂園，以濱海生態文化為主題，讓遊客近距離接觸紅樹林濕地景觀，感受田園風光。當中水上樂園雖然唔算大，但亦有提供滑梯、多款動物造型嘅噴水裝置、攀爬架等基本娛樂設施，讓小朋友消暑放電～
【INFO】 海上田園親水樂園 地址：深圳寶安區沙井街道民主社區民主大道 營業時間：平日 14:00-21:00 / 假日 10:00-21:00 票價：海上田園+親水樂園套票￥65.48 交通：深圳地鐵12號線海上田園東站B出口
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
