用左咁多年iphone，其實未必真系有用盡到手機入面嘅所有功能！黎到2021，Apple已經就快要推出iphone13，想做個進階用家，其實手機仲有好多隱藏功能未被你發掘。例如想係備忙錄畫圖時，圖案線條總會亂飛，畫得唔好睇又唔知點先可以變得工整？原來只要一個小秘訣就可以解決～想知到底要點做，即刻跟小編一齊睇到最後啦！
圖片來源：Youtube@蘋果爹、網絡圖片｜撰文：Candice
iphone隱藏功能1. 耳機聲量調節
自從智能手機普及，大家都變得越黎越鍾意聽歌，唔洗再好似之前咁帶多部ipods係身，的確係方便左好多！今年Apple更推出藍牙耳機airpods，便攜加上無左煩人嘅耳機線，令各位用家嘅聽歌體驗更上一層樓～ 不過唔講唔知，原來除左就咁係手機調教音樂大細聲之外，大家亦可以調節airpods耳機嘅聲量㗎！
想將airpods變得更大聲其實有2個方法，最簡單就係大家可以係聽歌時打開手機設定，找到「itunes音樂」，揀選「等化器」後，就可以挑選自己鍾意嘅音樂模式，同時亦做到將耳機音量調大調小嘅效果！
不過上面呢個方法就只適用於聽歌嘅時候，大家另外亦可以在設定中找到「輔助使用」，然後在揀選「音訊/視覺」一項，開啟「耳機調節功能」就能夠自行設定令你覺得最舒適嘅聲量啦，係咪好方便呢！
iphone隱藏功能2. 相機濾鏡預設
除左聽歌，而家手機嘅相機功能亦越黎越清晰，大家放假無論係去cafe定郊遊，都少不了要打卡留念，如果想要統一所有相片嘅風格同感覺，呢個時候iphone入面嘅「相機濾鏡預設功能」就可以大大幫到你啦！
大家首先d到設定揀選相機，進入相機設定後選擇「保留設定」。
開啟「自訂控制項目」後，到相機裡挑選喜歡的濾鏡效果，然後再將相機重啟一次，就能看到相機維持左預先設定的濾鏡畫面了！
iphone隱藏功能3. 備忙錄畫出工整圖形
最後一個隱藏功能相信很多上班族和大專生都會感興趣！平時上堂或者工作上有野想要即刻記低，但手邊又無紙筆，最方便就係打開iphone嘅備忙錄。
不過雖然備忙錄可以畫圖，但就永遠都係好難受控，圖形唔係畫到亂飛就係超級醜樣，原來想將佢哋變得工整，只需要係停筆後按實圖型唔鬆手就可以啦！就算係圖片上標記都一樣work，大家都快D去試下啦～
相關文章：
【戴口罩都用到FACE ID啦！IOS 14.5新功能助你解決疫情下的煩惱】
