榴槤華饗｜鍾意榴槤嘅朋友絕對唔好錯過～The Mira Hong Kong為一眾榴槤愛好者帶嚟陣容超鼎盛嘅「榴槤華饗 娘惹盛宴」，一連3個小時任食8款當令果王，包括人氣貓山王、D13金包、Susu牛奶等等！即刻入內文睇詳情喇！
圖片來源：官方圖片 | 撰文：Hedy
萬眾期待嘅馬來西亞盛夏榴槤慶典，將會喺今年七月載譽歸來！第二屆The Mira 榴槤盛宴將盛大回歸頂層宴會廳，由榴槤專家搜羅逾20種當季馬來西亞果王直送酒店。酒店無柱式宴會廳將化身為南洋宮廷盛宴，現場即開超過一噸由大馬農場36小時空運直送嘅樹上完熟榴槤。大家可以喺當晚一連3小時任食至少8款當令果王，包括人氣貓山王、D13金包、Susu牛奶、D24蘇丹、X.O榴槤及D2夢中情人等。再配合埋精緻嘅峇峇娘惹地道美饌自助餐及沉浸式主題佈置，引領賓客從味覺、視覺到聽覺，全方位沉浸於馬來半島嘅璀璨風情之中！
榴槤華饗｜「盲盒」嚐味拼盤
今年盛宴更特別首創珍稀「盲盒」嚐味拼盤，每位席上貴賓均可獲贈一份由榴槤專家親自策劃嘅拼盤，當中囊括五款極其矜貴嘅榴槤品種，有D200黑刺以及D197貓山王，仲有3款驚喜品種由專家從10種當季稀有品種中，依據當晚採收嘅最佳狀態「盲選」誕生，包括近年極受觸目嘅新晉檳城品種D214松鼠王、被譽為馬來西亞「榴槤女王」嘅D198金鳳及較罕嘅D160竹腳等！
榴槤華饗｜頂級娛樂盛宴
宴會廳今年採用咗流麗優雅嘅峇峇娘惹主題佈置，7月13日開幕首晚更特別邀請咗TVB《中年好聲音3》八強選手、被譽為「檳城海豚音王子」嘅馬來西亞實力派歌手王鄭浚仁親臨現場。首三場活動（7月13至15日）則由人氣脫口秀喜劇演員Monkey D擔任大會司儀，配合大馬舞者嘅絢麗傳統舞蹈，為宴會注入歡樂笑聲！另外，每晚仲引入咗刺激嘅現場榴槤拍賣環境，等大家競拍市面難求嘅特選榴槤。每位離場嘅貴賓亦獲贈「趣緻大馬禮品包」一個，内藏馬來西亞地道精緻小食。
【INFO】 《榴槤華饗 娘惹盛宴》 日期：2026年7月13日至15日（星期一至三）、7月21日至26日（星期二至日） 時間：18:30至21:30 價錢： 小童（3至11歲）港幣$688/位；成人港幣$928/位 早鳥優惠（7月3日或之前於網上預訂，即享早鳥85折） 免費登記成為Mi+會員，更可享即時預訂8折尊尚優惠 地點：The Mira Hong Kong 18樓頂層無柱式宴會廳 立即購買：https://bit.ly/4eWVRcJ
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
