香港 JOYPOLIS SPORTS | 臨近聖誕節，大家又準備好去邊度玩呢？留喺香港都可以玩到日本著名嘅室內科技遊戲主題樂園JOYPOLIS SPORTS，其海外首間旗艦店喺聖誕前登陸香港。依家仲有限定優惠，$87起就玩到。即刻入內文睇詳情！
圖片來源：SAUCE編輯部、官方圖片 | 撰文：Hedy
海外首設旗艦店JOYPOLIS SPORTS HONG KONG（JP超動感世界）將會喺12月22日於啟德體育園運動健康中心正式開放！香港旗艦店樓高五層，佔地3萬呎，完美結合運動同娛樂，帶大家享受唔同嘅互動遊樂體驗！店鋪將會設3大主題區，大家都可以喺度玩到近20款遊戲！而且超音鼠迷都一定要嚟玩超音鼠主題遊樂場！等小編開始為大家逐一介紹啦～
香港 JOYPOLIS SPORTS | G/F 忍者道場 NINJA DOJO
唔使去日本都可以喺香港Joypolis Sports參加忍者特訓，忍者道場將日本傳統忍者元素與全球大熱的 Ninja Warrior 運動概念完美結合，帶領參加者進入日本忍者嘅訓練道場！當中將會有六大忍者終極試煉，考驗大家嘅靈敏度、速度、專注力、戰略頭腦，等你親身體驗最正宗嘅忍者手裡劍對戰，仲有劍刃挑戰同忍者體能訓練！
香港 JOYPOLIS SPORTS | 1/F 接待處及紀念品商店
而1樓就係大家一定會去到嘅接待處及紀念品商店，大家隨時都可以帶走多款SONIC周邊！
香港 JOYPOLIS SPORTS | 2/F 超音鼠競技場 SONIC STADIUM
行上去2樓就絕對係各位超音鼠迷必定會喜愛嘅地方！全球首個 SONIC STADIUM 運動主題互動遊樂場可以喺度玩到，當中包括音速田徑競技場、空中金環大冒險 、音速旋風以及專為小朋友而設嘅超音鼠全能運動場！無論係大人定小朋友都可以嚟挑戰極限速度、彈跳力同反應速度！
香港 JOYPOLIS SPORTS | 3/F 未來運動館 FUTURE ARENA
全個樓層都係最新同最Hit嘅科技運動遊戲，結合MR VR 技術，等你可以沉浸式感受前所未有嘅運動體驗！當中最特別嘅就係大中華地區首個Valo Arena，利用MR混合實境技術同獨有嘅運動追蹤技術，等大家唔需要戴任何設備，就可以享受刺激有趣嘅運動遊戲！小編就推薦大家要試玩吓魔幻攀峰，全球首個AR攀岩牆，結合投影技術與動作感應，將攀岩挑戰升級為刺激嘅互動冒險！而世一馬王傳奇，更以香港傳奇馬王“金鎗六十”為主題嘅VR賽馬遊戲，等大家都可以做騎師！
香港 JOYPOLIS SPORTS | 4/F Hungry Tiger Hidden Dragon 主題餐廳
玩到肚餓就記得要去埋頂層四樓嘅特色餐廳 「餓虎藏龍」 Hungry Tiger Hidden Dragon喇，主打西日fusion菜式，就連增肌餐、素食餐等健康選擇都有，超多款式！而夜晚餐廳更會搖身一變成為Hidden Dragon Bar，提供精選美酒同創意小食，大家更可以去半露天位置望住成個體育園夜景飲酒～超有feel！
香港 JOYPOLIS SPORTS | 2大限時優惠
呢幾日生日嘅朋友有福啦～只要喺12月20至22號生日嘅朋友，記得喺12月22或23號嚟玩，只需出示身份證即享有2小時JPS Pass半價優惠！另外由12月22號至1月20號期間更推出超值2.5小時JPS Pass，大家可以用更抵價錢玩多半個鐘！
【INFO】 《香港 JOYPOLIS SPORTS》 門票價錢： kkday -【低至87 折】JP 超動感全票（含入場券＋120 分鐘遊樂設施暢玩） 成人HK$278/位 起，小童（3 – 11 歲）HK$226/位 起，長者（60 歲）HK$157/位 起 -【KKday 獨家親子優惠 – 低至73 折】超音鼠競技場家庭票（120 分鐘，2 大1 小） 星期一至五HK$380/2 大1 小，平均HK$126.7/位 星期六至日HK$460/2 大1 小，平均HK$153.3/位 *門票價錢包括兩位成人及一位0 - 6 歲兒童 *門票只適用於 L2遊戲樓層（不適用於LG，L3遊戲樓層及L4餐飲樓層） -【低至87 折】超音鼠競技場門票（60 分鐘） 1 大1 小 HK$146/組 起，平均HK$73/位 起 2 大1 小 / 1 大2 小 HK$233/組 起，平均HK$77.7/位 *門票只適用於 L2遊戲樓層（不適用於LG，L3遊戲樓層及L4餐飲樓層） -【低至87 折】超音鼠競技場門票（120 分鐘） 1 大1 小 HK$207/組 起，平均HK$103.5/位 起 2 大1 小 / 1 大2 小 HK$346/組 起，平均HK$115.3/位 起 *門票只適用於 L2遊戲樓層（不適用於LG，L3遊戲樓層及L4餐飲樓層） 立即購買：https://bit.ly/3VOwYWJ 地址：九龍城啟德體育園運動健康中心G至4樓 交通：宋皇臺/啟德地鐵站 D 出口，步行8分鐘
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
