劇集推介｜鍾意華語音樂又或者係想了解更多關於音樂製作方面，就絕對唔可以錯過呢套劇集！即刻入內文睇介紹喇！
圖片來源：HBO Max | 撰文：Hedy
講起華語樂壇嘅黃金年代，大家都一定唔會陌生。HBO Max獨家上線嘅《接招吧！製作人》故事正正設定喺2000年代，帶大家一齊揭開唱片製作嘅神秘面紗！劇中由9m88飾演啱啱畢業嘅職場菜鳥，誤打誤撞成為王牌音樂製作人（楊祐寧 飾）嘅助理，兩個性格截然不同嘅人，喺音樂路上共同面對各種挑戰。呢套絕對係今年必睇嘅台劇！
首部音樂職人劇
《接招吧！製作人》更係首部音樂職人劇，帶大家深入了解音樂創作嘅背後。就以第一集為例，故事直接以歌曲抄襲與版權爭議等議題切入，更帶出究竟創作者應該要保留原創編曲，定係跟隨製作人意見改編成主流商業歌曲？究竟喺藝術同商業之間，又應該如何取捨？
每一集都有單元主題曲！
影集更邀請到音樂人黃婷擔任音樂導演，統籌劇中所有歌曲嘅創作，除咗好聽之外更要同劇情連貫！而《接招吧！製作人》總共有12集，每一集都有單元主題曲，更搵嚟周華健、吳青峰、蕭煌奇、曾沛慈以及鳳小岳等歌手創作或獻唱！鍾意華語音樂嘅你絕對唔可以錯過！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
