東京迪士尼海洋 | 去日本旅行點都要去東京迪士尼，而東京迪士尼海洋今年更推出最新主題園區Fantasy Springs「夢幻泉鄉」，最近官方更公開園區詳細內容，提供實景及部份設施室內環境，即刻睇睇有咩玩！
圖片來源：Tokyo Disney Resort、YouTube@Walt Disney Imagineering | 撰文：Hedy
東京迪士尼海洋第8個新園區Fantasy Springs 「夢幻泉鄉」，喺有史以嚟最大嘅園區。新園區以夢幻之泉為主題，將會打造出3大迪士尼電影主題園區，當中包括「冰雪王國」、「長髮公主森林」以及「小飛俠夢幻島」。
東京迪士尼海洋Fantasy Springs 1. 冰雪王國
迪士尼電影《魔雪奇緣》中所描繪嘅艾倫戴爾王國，將恢復溫暖並將洋溢喜慶嘅氣氛，重現喺大家眼前。喺Anna and Elsa’s Frozen Journey嘅景點入面，大家都可以乘坐遊覽船，重溫兩姐妹嘅感人故事，旅程入面更會聽到耳熟能詳嘅電影歌曲。就連艾倫戴爾皇家宴會餐廳以及Oaken經營嘅小餐館Oaken’s Ok Food，都可以一次過參觀！
東京迪士尼海洋Fantasy Springs 2. 小飛俠夢幻島
小飛俠夢幻島將會有2個遊樂設施，喺「小飛俠夢幻島冒險」入面，大家將會同Peter Pan以及Tinker Bell作為迷失孩子嘅成員，一齊踏上冒險之旅，更要喺傑克船長同海盜手中幫手救出約翰！
而喺「奇妙仙子妙妙小車」入面，大家都可以坐上妙妙小車，遊覽四個季節唔同景色嘅仙女山谷，幫Tinkerbell一齊將包裹運送到唔同嘅地點。園內當中更設有瞭望臺野餐屋，畀大家一邊享用美食，一邊欣賞夢幻島嘅壯麗景色！
東京迪士尼海洋Fantasy Springs 3. 長髮公主森林
大家將會見到長髮公主由細居住嘅塔樓，並透過「樂佩公主天燈盛會」遊樂設施，一齊搭船欣賞長髮公主同弗林萊德嘅愛情故事，展開一場浪漫之旅！當玩到攰嘅時候，更可以去Snuggle Duckling餐廳享用美食。
東京迪士尼海洋Fantasy Springs 4. 夢幻泉鄉酒店
東京迪士尼海洋夢幻泉鄉酒店坐落喺園區入面，當中提供2種類型畀大家選擇，當中包括豪華館以及夢幻館。豪華館可以令大家享受東京迪士尼度假區最頂級嘅住宿體驗，採用高雅嘅裝修風格。所有房間都設有陽台，更會面向夢幻泉鄉，令大家飽覽美麗嘅景色。
而夢幻館嘅裝修就以夢幻泉鄉嘅動植物、神奇清泉為設計主題，營造出如夢似幻嘅氛圍，為遊客提供彷若置身夢幻泉鄉嘅住宿體驗。
【INFO】 《東京迪士尼海洋Fantasy Springs》 開幕日期：2024年6月6日 地址：千葉縣浦安市舞浜1-13
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
