【 香港teamLab 】teamLab登陸香港啦！「teamLab共創！未來園」展覽7月登陸九龍灣MegaBox，展出6大沉浸式作品係一個探索創意與實踐「共同創造」概念嘅多元展覽，展期由7月9日到2024年1月14日～唔使去到日本咁遠，留喺香港都可以欣賞teamLab展品啦！想知道有關詳情就記得碌落內文睇啦！
圖片來源：官方圖片｜撰文：Sharon
今次選址位於九龍灣MegaBox，過萬呎6大沉浸式空間就包括文青打卡必到嘅「塗鴉自然 ── 鼓動山脈與山谷，紅色名錄」、「光球管弦樂團」、親子必玩「滑梯水果園」同「小人所居住的桌子」、閨蜜不可錯過升級版的「天才跳房子」以及「彩繪城鎮」同「彩繪城鎮立體紙模型」！
6大藝術互動體驗空間
1. 文青打卡：塗鴉自然 ── 鼓動山脈與山谷，紅色名錄
由立體地形構成嘅山脈與山谷，以世界自然保護聯盟瀕危物種紅色名錄為基礎，其中將會出現本地嘅瀕危動植物。大家一齊描繪出各種生物，棲息喺鼓動嘅山脈與山谷里。喺呢度大家可以見到唔同生物互相掠食嘅情況，共同形成一個生態系統，蠑螈食蛇，蛇食蜥蜴，蜥蜴食青蛙，青蛙食蝴蝶等。
2. 文青打卡：光球管弦樂團
顏色同聲音會隨住球體滾動而產生變化，只要觸碰一個球體就會對周圍嘅球體產生影響，整個空間嘅顏色都會改變！大家可以用身體觸碰球體，球體會互相碰撞並發出聲音，好似演奏一場管弦樂表演咁～
3. 親子必玩：滑梯水果園
適合親子玩嘅「滑梯水果園」，滑梯上培育著各種各樣嘅水果，當中仲有球體在飛嚟飛去！人會變成太陽光喺滑滑梯上滑動，當你用身體撞上球體時，接受咗太陽光能源嘅球體會向周圍飛！當同飛出去嘅球體互相碰撞時，水果就會得到培育。當碰撞天藍色球體時，種子會發芽、甚至係開花。當碰撞黃色蜜蜂球體時，花朵就會授粉或結出果實。當撞上果實時，果實會灑出新嘅種子再延續出下一個生命～
4. 親子必玩：小人所居住的桌子
由小人兒居住嘅地方，佢哋會喺桌子裡面跑嚟跑去，當你將手或者物件放上桌子時，小人兒就會跳上去！根據物體跑形狀，小人兒可以滑行、跳躍同攀爬，放得越多嘢喺桌子上，小人兒就玩得越開心！
5. 閨蜜不可錯過升級版：「天才跳房子」
呢個天才跳房子遊戲需要跳躍行進，並單腳著地喺水面上漂浮著。連續跳到同樣形狀嘅符號上，就會產生魚，蝴蝶同小鳥，成功持續跳躍，就可以產生更多嘅魚，蝴蝶同小鳥！
6. 藝術天地：彩繪城鎮+彩繪城鎮立體紙模型
由圖畫構建而來嘅城鎮，大家只要喺紙上畫上建築、汽車、不明飛行物同宇宙飛船後，圖畫就會立體地出現！城市入面所有物件都係來自每個人畫嘅圖案，隨着每個人畫唔同嘅圖案而有所改變。
展覽由2023年7月9日起至2024年1月14日，依家仲有早鳥優惠！成人票價HK$198 / 兒童票價HK$148/家庭套票HK$500起！優惠咁抵，大家記得把握機會搶購啦！
【INFO】
《富衛保險10周年呈獻「teamLab共創！未來園」》
地址：九龍灣宏照道38號企業廣場5期MegaBox 13樓
購票網址：https://bit.ly/42mCKiW
日期：2023年7月9日至2024年1月14日
時間：星期一至五 14:00 – 22:00｜星期六、日及公眾假期 10:00 – 22:00
票價（8/6 – 8/7早鳥優惠）:
成人門票：HK$198
兒童門票：HK$148
家庭套票：
2成人+1兒童：HK$500
2成人+2兒童：HK$640
2成人+3兒童：HK$780
2成人+4兒童：HK$920
全日制學生特惠門票（只限星期一至星期五，不適用於星期六、日及公眾假期）：HK$178
正價門票 (2023年7月9日至2024年1月14日)：
成人門票：HK$220
兒童門票：HK$180
家庭套票：
2成人+1兒童：HK$560
2成人+2兒童：HK$720
2成人+3兒童：HK$880
2成人+4兒童：HK$1040
全日制學生特惠門票（只限星期一至星期五，不適用於星期六、日及公眾假期）：HK$198
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
