Plastic Thing Run | 鍾意Plastic Thing嘅朋友，為食妹同好友準備要展開健康嘅跑步之旅，仲誠邀大家一齊參加Plastic Thing Run 2025！除咗有超可愛嘅跑手Tee之外，亦有毛巾以及迷你收納箱等，每款都勁得意，即睇詳情！
圖片來源：Facebook@Plastic Thing Run | 撰文：Hedy
想同為食妹一齊參加跑步比賽，就一定要留意住點報名Plastic Thing Run 2025。賽事將會喺2025年3月23日於香港科學園舉行，除咗有計時賽之外，亦有非計時賽畀大家選擇，啱晒唔同程度嘅選手。無論係想挑戰自己定同朋友一齊跑都冇問題！賽事包括Plastic Thing 4公里挑戰跑（計時賽）、Fatty 2公里為食跑（計時賽）以及Puffy 1公里慵懶跑（非計時賽）。2公里同4公里賽事均會分為「個人組」及「孖住組」，而1公里賽事亦有「個人組」以及「家庭二人組」選擇。除咗主題跑之外，活動當日Fatty將會同大家首次見面，仲會有唔少打卡位同嘉年華畀大家玩，啱晒一家大細！
【INFO】 Plastic Thing 4公里挑戰跑（計時賽） 報名費：$500（個人組）、$1260（孖住組） 年齡：年滿16歲人士 全程：4公里（時限45分鐘） 起跑時間：08:30 / 09:15 / 10:00 Fatty 2公里為食跑（計時賽） 報名費：$500（個人組）、$1260（孖住組） 年齡：年滿16歲人士 全程：2公里（時限30分鐘） 起跑時間：11:00 / 11:30 / 12:00 Puffy 1公里慵懶跑（非計時賽） 報名費：$480（個人組）、$1240（家庭二人組） 年齡：年滿16歲人士（個人組）、年滿18歲成人陪同1名3至15歲小童 全程：1公里（時限30分鐘） 起跑時間：13:00 / 13:30 / 14:00
Plastic Thing Run 2025 | 超可愛跑手包！
了解完有咩賽事之後，就一定要欣賞埋咁靚嘅跑手包！個人組跑手包將會獲得一件別注版跑步Tee、一條大毛巾、一個打氣束繩袋、運動護腕以及拉尺。每款產品都印有為食妹可愛圖案同佢嘅好友，仲要以橙色為主色！而參加孖住組及家庭二人組跑手包就有2件跑手衫、2個打氣束繩袋、2條頭帶、2條毛巾以及2個多用途迷你收納箱，每款都夠晒可愛又實用！
【INFO】
《Plastic Thing Run 2025》
日期：2025年3月23日(星期日)
地點：香港科學園
報名連結：待公布
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
