Pixar打卡 | 鍾意Pixar嘅朋友唔好錯過啦～今年新年仲可以去「Pixar Sweet Dreams甜夢派對」新春主題裝置打卡，當中有毛毛、大眼仔、勞蘇、Bunny、Ducky、獨角獸Buttercup、阿樂、阿愁同小熊貓！當中一定要去「粉紅甜夢燈海長廊」打卡，有勞蘇同立體心心打卡位！
圖片來源：官方圖片 | 撰文：Hedy
「Pixar Sweet Dreams甜夢派對」新春主題裝置，由新地旗下上水廣場及將軍澳PopWalk天晉滙攜手呈獻，當中大家都會見到《怪獸公司》毛毛同大眼仔；《反斗奇兵》勞蘇、Bunny、Ducky及獨角獸Buttercup；《玩轉腦朋友》阿樂與阿愁；及《熊抱青春記》小熊貓，將以甜夢棉花糖造型萌爆現身2大商場，同大家大開新春派對！
Pixar打卡 | 上水廣場「光影甜夢園」
大家只要一踏入 5 樓嘅晴空花園，就可以見到「甜蜜光影燈籠牆」，有齊《怪獸公司》最佳拍檔毛毛及大眼仔、 《反斗奇兵》俏皮獨角獸Buttercup以及《熊抱青春記》可愛小熊貓，多個色彩斑斕嘅小燈籠形成一幅絕美畫面！穿過「彩光夢幻走廊」仲可以欣賞埋花圃上夢幻色彩嘅雲朵同星空小燈牌，打卡一流～而「春日抱抱玩樂遊」就有3米高拱形裝置載滿多個粉色汽球，Bunny及Ducky等緊大家～
Pixar打卡 | PopWalk 天晉滙「粉紅甜夢燈海長廊」
勞蘇今次就化成為霓虹燈牌，仲有埋士多啤梨，咁就最啱新年同情人節去打卡！同情人一齊行過「粉紅甜夢燈海長廊」，欣賞近10米長嘅浪漫燈海，超浪漫！臨近將軍澳海濱長廊嘅Ocean PopWalk近海濱入口處，更會設置近5米長「夢幻星空琉璃隧道」，以彩虹、心心及星星組成，超唯美～
Pixar打卡 | 迪士尼.彼思期間限定店
打卡之餘又可以喺度辦年貨！上水廣場「迪士尼.彼思期間限定店」發售超過300款包括迪士尼.彼思限量精品，有毛公仔、生活用品及文具等。而一系列嘅新年主題精品都可以買到，當中包括《怪獸公司》角色達摩造型利是封、《反斗奇兵》角色賀年模型及木盒等，新年必備！
Pixar打卡 | 換領限量精品！
由即日起至2025年2月23日，The Point 會員只需於 2 大商場以電子貨幣消費滿指定金額，即可換領迪士尼.彼思嘅限量版精品，包括阿愁萬用包、勞蘇禮袋及曲兵禮盒套裝、三眼仔焗盤及Pixar Sweets Dreams 甜夢派對雨傘等。
【INFO】
《Pixar Sweet Dreams甜夢派對》
日期：即日起至2025年2月23日
時間：10:00至22:00
地點：上水廣場2樓中庭及5樓晴空花園；PopWalk天晉滙1期及2期戶外露天長廊及Ocean PopWalk地下中庭及戶外長廊
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
