鐵路迷注意！港鐵於紅磡站舉辦「站見」鐵路展由即日起開放畀大家參觀！今次展覽將首次展出退役雙層列車「九廣通」同過百件鐵路珍藏展品，非常難得！即睇內文了解詳情啦！
圖片來源：官方圖片｜撰文：Sharon
「九廣通」於1998年起投入服務，往返紅磡、東莞和廣州，為過境旅客提供舒適便捷嘅旅程。無論係旅遊、探親或經商，「九廣通」都承載著無數來往香港同內地乘客之間嘅感情及回憶。今次喺「站見」鐵路展，大家可以登上「九廣通」列車，近距離欣賞到當年「九廣通」職員制服配飾等物品，感受鐵路文化！
「站見」鐵路展分成三個區域：
展區一：「鐵路解碼」 有鐵路小知識，設有「1、2、3 信號燈」、「列車大解構」，以及「標記百科」三大主題。
展區二：「鐵路歲月」 穿越「鐵路歲月」，一同經歷「當年今日」、「邁向新里程」、「我們這一家」、「廣播迴廊」、「車長站員百寶袋」，以及「願我會揸港鐵」六大主題，有唔少相片畀大家睇。
展區三：「下一站…回憶」有四架退役列車，包括東鐵綫第一代電氣化列車「黃頭」、中期翻新列車「烏蠅頭」、56 號柴油電動機車「杜利華號」，以及新展品「九廣通」。
另外，展覽仲會展出3列退役列車，包括東鐵綫第一代電氣化列車「黃頭」、中期翻新列車「烏蠅頭」同56號柴油電動機車「杜利華號」，仲有過百件鐵路珍藏畀大家欣賞！依家大家可以經網站預約參觀，免費入場㗎！有興趣嘅朋友千祈唔好錯過！
【INFO】 《港鐵紅磡站「站見」鐵路展》 地點：港鐵紅磡站大堂（近出入口C1） 展期：即日起至2025年底 開放時間：星期二至日及公眾假期（星期一休館，公眾假期除外） 預約網址：https://bit.ly/3UnATti
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
