復活節好去處2025 | 又到小朋友放假嘅時候，各位爸爸媽媽們又準備好節目畀小朋友未呢？今年黃金海岸推出「智趣樂玩復活節」，有成5萬平方呎大草坪比小朋友玩，仲特設10個遊戲體驗區～再加上復活節市集免費入場，啱晒一家大細去！
圖片來源：官方圖片 | 撰文：Hedy
黃金海岸今年首度聯乘智樂兒童遊樂協會打造出「智趣樂玩復活節」，將戶外超過5萬平方呎大草坪，變成10個好玩有趣嘅遊戲體驗區，所有嘅遊戲都鼓勵小朋友喺不受任何限制嘅環境下全憑直覺及想像體驗遊戲！
黃金海岸10大遊戲 | 1. 智樂遊樂車
由5.5噸貨車搖身一變成為「智樂遊樂車」，成為可供四面八方穿梭上落嘅好玩裝置，內有小閣樓和滑梯，加上各種靈活遊戲材料等小朋友隨心發掘遊戲。
黃金海岸10大遊戲 | 2. 兔子蹦蹦樂
小朋友化身成為活潑又應節嘅復活兔，以超萌兔子彈跳球代步，遊走各個遊戲區，進行其他遊戲挑戰！
黃金海岸10大遊戲 | 3. 冒險挑戰區
冒險挑戰區由小朋友全權主導，提供多樣嘅木板及平衡木等材料，等小朋友根據自己嘅喜好同能力自由，調整難度，創造出千變萬化嘅玩法，無論係攀爬、跳躍，定係挑戰疊高都冇問題，打造屬於自己嘅冒險路線！
黃金海岸10大遊戲 | 4. 充氣彈跳區
小朋友可Jump High盡情跳彈，亦可邊跳邊背起小雞造型嘅袋，企喺彈床上擺動身體以甩開袋內雞蛋，盡情放電之餘亦可挑戰身體協調能力。
黃金海岸10大遊戲 | 5. 創意彩蛋區
小朋友可以喺度親手裝飾獨一無二嘅復活彩蛋，不僅可以帶返屋企留念，仲可以創造出專屬嘅「遊玩夥伴」，一齊穿梭各個遊戲區接受挑戰。
黃金海岸10大遊戲 | 6. 雞蛋投擲區
「雞蛋投擲區」以筲箕、竹枝、木板等天然材料組裝嘅發射裝置和保護牆。小朋友透過收集雞蛋，與對隊展開互動投擲挑戰。遊戲不但考驗投擲技巧，仲可以令小朋友結識新朋友。
黃金海岸10大遊戲 | 7. 水管滾滾樂
發揮創意自由搭建出高低起伏、長短不一嘅軌道，令雞蛋沿自創軌道滾動，考驗小朋友嘅邏輯思維與解難能力。
黃金海岸10大遊戲 | 8. 禾稈草農場
化身成為小農夫進入禾稈草農場，邊感受禾稈草獨特質感，邊尋找色彩繽紛嘅雞蛋，並與其他小朋友合力以籃子運送雞蛋，享受角色扮演嘅樂趣。
黃金海岸10大遊戲 | 9. 想像搭建區
「想像搭建區」設有多元化素材，小朋友可四處蒐集色彩繽紛嘅素材自由組裝，發揮想像創造獨有嘅「歡樂王國」。
黃金海岸10大遊戲 | 10. 塗鴉世界
就地取材利用區內特長嘅行人路磚地作為天然畫布，並設置大小黑板畀小朋友拿起粉筆隨心創作，盡情綻放靈感，享受塗鴉樂趣！
復活節好去處2025 | 限定早鳥優惠+復活節市集
想帶小朋友玩嘅就可以由即日起去Klook網上平台購買門票，依家仲有早鳥優惠$188（1名小童及1名成人）購買，原價為$198。每節活動為1小時45分鐘，門票數量有限，定必率先入手，部份門票收入將撥捐智樂兒童遊樂協會。每組入場人士於活動當日將獲一套「食玩賞買優惠券」，於商場指定餐廳惠顧可享9折、消費滿額即送小食一份、以半價購買復活兔兔氣球等。商場同期亦舉辦復活節市集，超過40間本地手作品牌及工作坊攤位匯聚於商場中庭，更會延伸至海濱長廊，讓大家玩樂同時，盡情享受美食購物，共同歡度長假期！
【INFO】 《黃金海岸「智趣樂玩復活節」》 日期：2025年4月18日至4月21日 時間：中午12時至下午1時45分 ；下午2時至3時45分 ；下午4時至5時45分 地點：黃金海岸大草地（近黃金海岸鄉村俱樂部．遊艇會） 早鳥優惠：港幣$188/每節 購票連結：https://bit.ly/4iJUmye 《復活節市集》 日期：2025年4月18日至4月21日 時間：中午12時至下午8時 地點：黃金海岸商場中庭及海濱長廊
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
