香港紅葉2025 | 見到身邊朋友個個飛，影啲紅葉相好夢幻？ 其實唔一定要搭飛機先可以欣賞紅葉，留喺香港都有好多隱世景點可以一暏紅葉盛開，悠閒地過一個愜意下午。小編為你整理香港十大紅葉觀賞地，遍佈港九新界，大家記得準備定相機打卡喇！
圖片來源及授權：IG@mr.6o_hk、@hkdfw、@athena_catcat 、unsplash、康樂及文化事務署| 撰文：Cynthia
想知邊度影紅葉最靚？由於每個地方嘅生態都好唔同，有啲地方好快轉寒，有啲地方就未夠凍。所以去之前你都可以到訪康樂及文化事務署嘅網站，觀察當日紅葉開花情況。
香港紅葉觀賞地 | 1. 流水響
流水響有「天空之鏡」嘅美譽，一直吸引好人專程到訪。原來轉季又有另一個面貌，真係四個季節都有唔同嘅魅力，宛如大自然嘅畫作。入秋冬後，滿目霜紅，如詩如畫，真係一件賞心樂事！流水響路線難度低，大部份係平路，最岩一家大細去玩。
【INFO】
《流水響》
地址：八仙嶺郊野公園流水響水塘
香港紅葉觀賞地 | 2. 濕地公園
濕地公園除咗為唔同植物同物種提供棲息處，仲係好多人影婚照嘅地方。原來每年入秋，「河畔觀鳥屋」隔離嘅「演替之路」會變成被火紅色包圍嘅美景，相當震撼。打完卡仲可以參加濕地公園嘅導賞團，進一步認識生態，好好學習。呢個紅葉主題嘅大自然之旅，又幾浪漫喎。
【INFO】
《濕地公園》
地址：香港新界天水圍濕地公園路香港濕地公園
香港紅葉觀賞地 | 3. 中文大學未圓湖
中文大學環境清幽，書卷氣息濃厚，有種言語無辦法形容嘅文藝氣息。趁紅葉盛開嘅日子沿住校園入面嘅未圓湖邊小徑散步，風景任何角度都非常迷人。秋風輕輕撲面，不如靜靜坐低睇本書，過上寫意嘅一日。沿途更加有一條中式小橋，非常古色古香，一定要去打卡。
【INFO】
《中文大學未圓湖》
地址：香港中文大學未圓湖
香港紅葉觀賞地 | 4. 烏蛟騰九担租
由下車後嘅起步點開始出發，只需十分鐘就到打卡位，唔想出汗又唔想行咁多路嘅一定要揀呢到。火紅楓葉同藍天相映成輝，打造嬌豔華美嘅景緻。喺呢度一邊賞楓，一邊悠閒地漫步，帶你嘅眼睛去旅行，同時細心傾聽自己嘅感覺，等自己享受一刻寧靜。
【INFO】
《烏蛟騰九担租》
地址：烏蛟騰九担租
香港紅葉觀賞地 | 5. 元朗大棠楓香林
元朗大棠楓香林係著名嘅紅葉打卡地，紅葉密集映襯清澈藍天，係令人暫時遠離工作嘅小地方。主路，涼亭及水庫旁步道都係打卡熱點。地理位置都好方便。喺朗屏地鐵站轉撘港鐵巴士K66喺大棠山道落車，由大欖郊野公園開始步行至楓香林，需時約1.5小時。
【INFO】
《大棠楓香林》
地址：大棠大棠山道
香港紅葉觀賞地 | 6. 佐敦谷公園
想喺紅葉飛飛嘅浪漫環境下野餐，盡情享受美饌同賞楓嘅樂趣，佐敦谷係你嘅不二之選。佐敦谷擁有一大片視野遼闊嘅草地，係野餐嘅人氣熱點。呢度種植咗唔同品種嘅植物，有十幾棵楓香同烏柏紅葉，林立喺草坪同緩跑徑旁，巳被楓葉染紅嘅佐敦谷同平日截然不同，滿滿秋意感令人感覺格外浪漫。
【INFO】
《佐敦谷公園》
地址：觀塘新清水灣道71號
香港紅葉觀賞地 | 7. 青衣公園
青衣公園採用歐陸式建築風格，好似去咗外國咁。公園人工湖畔種咗幾棵落羽杉，踏入秋冬，樹葉會由金黃染成紅。湖泛倒影，優美怡人。人工湖對面嘅觀景台，係觀賞紅葉嘅好位置，記得帶定相機留低倩影！
【INFO】
《青衣公園》
地址：新界青衣青敬路60號
香港紅葉觀賞地 | 8. 九龍寨城公園
九龍寨城公園有獨特嘅歷史背景，原來公園內有一條名為「葉徑追紅」嘅紅葉徑，匯萃多種紅葉樹，植物豐富多樣。每年秋天為公園披上一襲紅衣，吸引好多人專程嚟打卡，令人陶醉於如詩如畫嘅景色。想更了解呢個地方嘅話，仲可以遊覽公園常設展覽認識香港歷史。
【INFO】
《九龍寨城公園》
地址：九龍城東頭村道和東正道交界
香港紅葉觀賞地 | 9. 香港動植物公園
唔洗舟車勞動，留喺市區都可以賞楓，仲可以睇埋趣緻嘅小動物！ 香港動植物公園擁有150年歷史，係香港最早打造嘅公園。噴水池平台花園隔離設有楓香徑，栽種咗大約30棵楓香。坐喺樹下長凳，望住滿地落葉，鳥語花香，好好享受自然氣息。
【INFO】
《香港動植物公園》
地址：香港中環雅賓利道
香港紅葉觀賞地 | 10. 城門水塘
城門水塘郊遊徑難度不高，遠離市區猶如世外桃源，每年秋季更轉紅，成為夢幻的打卡熱點。紅葉排在林道兩旁，每棵樹互相襯托十分壯觀，手機隨便影，都可以影出秋日氛圍感。但要注意有猴子出沒，可隨手取著樹枝作阻嚇性工具。
【INFO】
《城門水塘》
地址：香港中環雅賓利道
香港紅葉觀賞地 | 11. 楊小坑錦簇花園
楊小坑錦簇花園種咗16棵楓香樹，步入秋冬化身一片紅海，滿目霜紅。花園有一個廣場，有幾個涼亭坐落喺噴水池旁邊，觀賞紅葉令人放鬆心情。
【INFO】
《楊小坑錦簇花園》
地址：香港屯門楊青路137號
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
