麥玲玲運程2025 | 話咁快又就到蛇年，無論上一年過得好定唔好，都一定要期望新一年會有新開始！究竟蛇年邊個生肖財運會最強？有桃花運嘅又會係邊幾個生肖呢？即刻睇吓麥玲玲師傅點講啦，以下資料獲麥玲玲師傅授權！
圖片來源：官方圖片 | 撰文：Hedy
麥玲玲運程2025 | 1. 蛇年事業最強！
第三名：兔&馬
屬兔嘅朋友因為有祿勳星，代表朝廷俸祿，今年會升職加薪！而屬馬就因為有文昌星，有助於考試，所以無論係內部考核或進修，都有機會升職
第二名：豬
屬豬喺蛇年會有國印星，為掌管權力的帥印加埋驛馬星，今次將會有唔少出差嘅機會，轉換工作地後，事業發展都會唔錯㗎！
第一名：雞
屬雞嘅朋友有三台星，三台就如梯階一樣，代表住步步高升，或有機會升職！同時亦有將星，有領導才能嘅星，所以如果係從事行政人員或紀律部隊，有呢個星都會係相當不錯！
麥玲玲運程2025 | 2. 蛇年財運最強！
第三名：馬&猴
蛇年屬馬嘅人有太陽星，代表遠地方嘅財星，如果有做開生意嘅朋友就可以開拓唔同嘅市場。而屬猴就有太陰星，代表慢慢咁賺錢。
第二名：虎
財運第二名為屬虎，有福星同八座星飛臨！福星代表偏財，如果有打麻將或者買六合彩及彩票等，都可能會有幸運之財！
第一名：鼠
屬鼠嘅朋友有玉堂星拱照，玉堂代表金玉滿堂，再加上紫微星同龍德星，都係強而有力嘅貴人星，自然做嘢都會更加順利！不過由於有暴敗星，代表起落比較大，要提防三更窮五更富。
麥玲玲運程2025 | 3. 蛇年桃花最強！
第三名：馬
桃花運排名第三嘅就係馬嘅朋友，有太陽星，所以屬馬嘅女士們遇到嘅男士都會相當唔錯！
第二名：龍
啱啱經過本命年，所以好多朋友都會經歷離離合合。不過到蛇年就有天喜星，天喜代表喜事重重。喺龍年經歷分手嘅朋友，踏入蛇年容易雙喜臨門！
第一名：狗
今年有紅鸞星拱照，代表喺蛇年遇到嘅人可能有發展嘅機會，有望開花結果！而如果喺龍年分手嘅朋友就一定要好好把握蛇年！再加上有月德星拱照，喺貴人介紹下可能都會認識唔同嘅新朋友。
麥玲玲運程2025 | 4. 蛇年貴人最強
第三名：猴&馬
屬猴有太陰，係女性貴人星，如果本來做嘅行業同女性相關，今年有機會財源滾滾。而屬馬嘅朋友就有太陽星，代表男性貴人，同時亦係一個遠方嘅財星，建議可以開拓唔同區域嘅市場！
第二名：狗
屬狗嘅朋友有紅鸞星，代表受人喜愛，自然貴人運就會相對地較強！
第一名：鼠
生肖為鼠嘅朋友今年有紫微星同龍德星，呢兩個都係強而有力嘅貴人星！今年遇到嘅人都係非常熱情而且願意幫忙。
麥玲玲運程2025 | 5. 蛇年驛馬最強
第三名：馬
屬馬今年有太陽星，照遠唔照近，所以對拓展海外市場會較有利！
第二名：蛇
屬蛇嘅朋友同樣應該多去唔同嘅地方，唔好只係留守喺一個地方。再加上有天解星，代表有變化嘅飛行，先難後易！
第一名：豬
驛馬代表走動，榜首自然就會係相沖屬豬嘅朋友，蛇年會特別多走動，再加上有驛馬星飛臨，今年最好就離開自己嘅原居地，宜動不宜靜！甚或不斷地出差，去唔同嘅地方，又或者係開拓海外市場都係比較好～
延伸閱讀：【麥玲玲2025蛇年運程、十二生肖逐個睇+附開運錦囊！】
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
