一到夏天，就會諗起向日葵！位於元朗嘅信芯園農莊太陽花節一直好受港人歡迎，每年都有好多人會去打卡影相！今年農夫都繼續用佢嘅方法，於疫情下為大家打打氣～ 園內一大片太陽花花田超級IG-able，今次活動仲要免預約入場，大家有興趣都快D把握機會睇睇詳情啦！
圖片來源：IG@shunsumyuen、nat__yy、annietoni、vivi.wongwing、meganwong130｜撰文：candice
元朗信芯園太陽花節 免預約入場超受歡迎
位於元朗新田嘅信芯園已經係第4年舉辦太陽花節啦！為左治癒下無得去旅行嘅香港人，花農悉心係園內種植左超多向日葵比大家打卡，為大家打打氣～
望到顏色明亮、咁靚咁大朵嘅向日葵花田，就知花農們比左幾多心機落去栽種佢哋啦！
呢張closeup照更彷彿令人置身夢幻角度，小編覺得而家呢個視角好似自己就係一隻夏威夷嘅蜜蜂咁啊！
除左種出黎嘅花靚，信芯園嘅花農仲好親切友善添！佢之前就試過同去花園打卡嘅遊客們合照，仲將一朵朵太陽花送比佢地添～
向日葵花田打卡一流 滿地太陽花超有夏日氣息！
講了這麼多，大家去打卡之前也快來看看大家以前拍到的美照吧～ 拍照時的姿勢也可以參考一下喔！
穿上碎花裙子到花田間打卡，彷彿自己就是個太陽花仙子！
另外像上面這兩張特寫，手持向日葵半遮或拍側臉照效果十分好，超有仙氣又有意境！
打卡拍照固然開心，不過小編都要提提大家，疫情反反覆覆，未見穩定。如果去農莊打卡，記得要同人保持1.5米距離，唔好隨便除口罩。另外為左保護這一片珍貴嘅花田，請各位切記唔好亂拋垃圾，保持環境清潔！唔係香港就再無咁多好地方比大家影相㗎啦！
【INFO】
元朗信芯園太陽花節2021
日期：2021年4月17日起 至另行通知
時間：上午8:00至下午6:00
費用：入場時即場付入場費手帶$50
入場前請細閱以下事項：
1. 請聽從農夫及工作人員指示
2. 嚴禁吸煙和亂拋垃圾，違者即時會被驅逐離開
3. 如太陽花因遊人行為被破壞，必須即時繳付以當日花價
4. 收費、開放安排以農夫及工作人員即時決定為準
5. 開放安排可能因應疫情會有所改動，請留意我們最新消息
6. 請勿擅闖農地或偷取農作物
7. 單車不可進入農場範圍，請停泊於青山公路單車停放處
8. 未經批准，農地範圍嚴禁使用三腳架及反光板，以保障其他遊人安全
9. 如欲帶狗入場必須手抱，農場一帶鄉村有兇猛惡犬，請自理狗隻安全
10.落田前請除下背囊及收起雨傘/陽傘，以防背囊或雨傘/陽傘掃爛花朵。如有損毀，農場有權要求涉事人以當日花價作出補償
11. 除婚攝及商業攝影以外不須預約
12. 農場未有向任何旅行社提供門票折扣
相關文章：
【港版小荷蘭 ！大埔蝶豆花園親親大自然 花田/荷蘭風車/天空之鏡羊駝/天鵝湖/蝶豆花飲品】
【香港好去處】 錦田一日遊！港版壁畫村//紅磚屋//樹屋//天空之鏡
