消委會｜女士們留意喇！！消委會最新一期《選擇》月刊，對市面上36款唔同長度嘅有翼衛生巾進行測試，當中發現最差嘅樣本吸收速度則需時長達 73秒，而最好嘅樣本僅需3秒。即刻入內文睇消委會滿分清單喇～

圖片來源：官方圖片 | 撰文：Hedy

消委會最新一期《選擇》月刊，對市面上36款唔同長度嘅有翼衛生巾進行測試，主要測試包括尺寸和重量一致性、吸收速度、背膠剝離強度以及酸鹼值等方面。結果發現表現最好嘅樣本僅需3秒即可完全吸收，而表現最差嘅樣本則需時長達 73秒。若然衛生巾吸收速度過慢，有機會令私密部位皮膚感到黏濕，影響日常使用舒適度之餘，仲可能增加側漏風險！

吸收速度方面表現參差

消委會測試36款有翼衞生巾，並根據長度分為4個組別。發現各款樣本喺尺寸同重量的一致性測試中均獲4點或以上評分，表現令人滿意。另外，36款樣本嘅背膠剝離強度全部符合標準，酸鹼值亦符合內地相關標準要求範圍。所有樣本均沒有檢出甲醛及致病菌（如金黃葡萄球菌、綠膿桿菌等），喺化學測試同微生物安全測試表現令人滿意。不過喺吸收速度方面，各組樣本嘅吸收速度表現參差。第一組樣本吸收速度為7秒至73秒；第二組為4秒至44秒第三組為3秒至30秒；第四組則為3秒至25秒。喺同一組別內，吸收最慢與最快嘅樣本需時相差約7倍至10倍。

消委會5星滿分名單

22至25厘米衛生巾

1. 蘇菲Sofy100%有機棉衛生巾護翼日用23cm（吸收速度7秒）
2. 高潔絲Kotex唯白纖巧護翼日用衛生巾23cm-3D（吸收速度7秒）
3. 護舒寶Whisper Air-Dry Fresh 草本健康衞生巾24cm (2包）（吸收速度11秒）

26至29厘米衛生巾

1. Elis素肌超柔日用衞生巾27cm (優惠孖裝)（吸收速度4秒）
2. 蘇菲Sofy Center-in 棉柔衛生巾護翼夜用29cm（吸收速度6秒）
3. 高潔絲Kotex Blossom Spa白茶花超薄日/夜用衞生巾28cm（吸收速度9秒）
4. Chericot Organic Cotton Sanitary Pads 29cm（吸收速度4秒）
5. 護舒寶Whisper Air-Dry雲枕瞬吸量大衞生巾28cm（吸收速度11秒）
6. Kleannara有機純棉衞生巾26cm（吸收速度10秒） 

30至35厘米衛生巾

1. 高潔絲Kotex草本極緻綿柔纖巧超長夜用衞生巾35cm （吸收速度8秒）

40至43厘米衛生巾

1. 樂而雅Laurier安睡倍護夜用纖巧 3D防漏邊衞生巾40cm（吸收速度4秒）
2. 高潔絲Kotex安心熟睡超薄熟睡夜用衞生巾41cm（吸收速度3秒）
3. Dear Skin Air Embo特長夜用衛生巾—無化學吸水物料（吸收速度5秒）
4. 蘇菲Sofy舒適安睡衞生巾 Sleep Tight (42cm)（吸收速度8秒）
5. 蘇菲Sofy超熟睡密着安心夜用極厚衞生巾420（吸收速度3秒） 

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk