迪士尼迷注意！為慶祝香港迪士尼樂園度假區踏入20周年，迪士尼宣佈以「奇妙派對 快樂盛放」為題，展開一連串慶祝活動，仲會擴建Marvel及Pixar主題園區，令人非常期待啊！
圖片來源：Facebook@香港迪士尼樂園 | Hong Kong Disneyland｜撰文：Sharon
香港迪士尼樂園度假區將舉辦20周年奇妙派對，超多精彩活動等緊你！樂園新設巡遊表演「Friendtastic!」，係樂園開幕以來最大型嘅巡遊表演，會有11架派對巡遊花車，以及11組迪士尼角色，包括米奇老鼠同米妮老鼠，佢哋仲會換上20周年新裝同大家見面，而《奇幻魔法屋》家族成員亦將喺巡遊表演中亮相！
除咗巡遊表演，迪士尼更安排20周年限定版嘅夜間城堡匯演「迪士尼星夢光影之旅」，新增更多迪士尼故事片段，將沉浸式投影延伸至整條美國小鎮大街！當然唔少得20周年限定主題美食同一系列可愛嘅商品，fans必入手！
另外，香港迪士尼宣布將會擴建Marvel及Pixar主題園區，並今年內將展開工程，以後去迪士尼又會有更多精彩嘅遊戲可以玩喇！大家要密切留意最新消息，千祈唔好錯過！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
