領展商場 | 放假唔知做咩好？不妨同朋友或家人一齊玩密室逃脫！領展聯乘著名密室逃脫創意團隊LOST，喺2大商場打造出密室遊戲，包括「海底人魚王國」以及「神秘古堡」2大主題，海洋世界更會根據真實天氣環境而變化，超特別！即睇點先可以換門票入場玩！
圖片來源：官方圖片 | 撰文：Hedy
領展聯乘著名密室逃脫創意團隊LOST，喺49個商場推出以密室逃脫為主題嘅商場消費換領活動，儲滿指定嘅電子獎章，就可以獲得一張密室遊戲電子門票。大家就可以喺樂富廣場參加「海底人魚王國」密室遊戲，又或者去啟田商場參與「神秘古堡」主題！除咗要尋找線索觸發唔同嘅機關之外，亦都要同時間競賽，簡直就係鬥智鬥勇！
領展商場 | 海底人魚王國——海底世界隨天氣變化
樂富廣場「海底人魚王國」密室遊戲設計獨特，其海洋世界會根據真實天氣環境而變化，相當特別！喺晴朗天空下，大家都可以見到明亮清澈嘅海底世界。而喺陰天嘅時候，場景就會轉為微光環境，就好似潛入咗深邃莫測嘅海底一樣。就連落雨嘅時候，都會營造出一種神秘嘅海底景象。玩遊戲嘅時候大家就好似置身於奧秘深海入面，仲要一路扮演海盗船長，一路解開各種謎題以尋找寶藏！
領展商場 | 神秘古堡——探索無人居住嘅古堡
除咗樂富廣場之外，喺啟田商場同樣設有密室探險遊戲「神秘古堡」，古堡入面有齊騎士服裝同雕塑等元素，就連裝潢都設有古堡風格嘅大門同復古地磚，超有氣氛！帶領大家穿越時空迷霧，探索呢座無人居住嘅古堡，一齊感受成為考古學家嘅樂趣！
領展商場 | 點換領門票？
-
消費換領
想換領密室遊戲電子門票，就要由即日起至9月30日，只需要登記成為領展Link Up會員，喺領展旗下49個指定商場消費，以電子貨幣消費滿150元或以上，即可憑商戶發出嘅正本機印發票（最多一張）換領一個電子獎章，每張發票最多可獲5個獎章。每18個獎章就可換領密室遊戲電子門票，供兩人同時參與。
【INFO】
49個指定商場
- 港島區
愛東商場、小西灣廣場、赤柱廣場、興華廣場
- 九龍區
樂富廣場及街市、黃大仙中心、竹園廣場、啟田商場、秀茂坪商場及街市、鯉魚門廣場、寶達商場、德田廣場及街市、南昌薈及街市、何文田廣場及街市、慈雲山中心、彩雲商場及彩雲三期街市、愛民廣場及街市、鳳德商場及街市
- 新界區
T Town、天澤商場及街市、天瑞商場、天耀廣場、蝴蝶廣場及街市、良景廣場、彩園廣場、太和廣場、富善商場及街市、大元商場及街市、祥華商場、富亨商場、廣福商場及街市、頌安商場、禾輋廣場及街市、沙角商場、顯徑商場及街市、瀝源廣場及街市、恆安商場、隆亨商場、美林商場、新翠商場、耀安商場、愉翠商場及街市、彩明商場、TKO Gateway及TKO街市、TKO Spot及Spot街市、海悅豪園、長發廣場、富東廣場及街市、逸東商場
-
解密任務換領
除咗可以憑消費換取之外，由即日起至9月23日，成功於10個指定商場進行特別解謎挑戰任務，成功解謎就可以獲得獎章以及提示各一個。而9月24日至9月30日，大家就可以憑每週提示，若成功解開終極謎題就可以獲獎章3個。每擁有一個電子獎章將自動轉換成一次大抽獎機會，有機會贏取全新人氣電動車smart #1 Pro+ ，以及其他超過200份豐富獎品。除咗抽獎之外，累積每滿5個電子獎章更可換領一張20元指定商戶現金券，而儲齊18個電子獎章同樣可換取密室遊戲電子門票一張。
【INFO】
-10個指定商場
秀茂坪商場、慈雲山中心、T Town、良景廣場、太和廣場、禾輋廣場、TKO Spot、彩明商場、長發廣場及彩園廣場
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
