深圳按摩｜最近天氣凍咗咁多，最適合浸溫泉暖身，小編特別整合7間抵玩深圳按摩水療中心，唔單止24小時營業，仲有任食自助餐，最平人均只需¥129就有得過夜，即刻睇睇以下介紹啦！
圖片來源：klook、Instagram @szaqilaclub、小紅書 @極速小羊、小紅書 @可樂可樂醬、Instagram @kongqi_spa、小紅書 @CELLUR9 | 撰文：Icy
深圳按摩水療中心 | 1. 湯悅溫泉汗蒸
位於深圳福田車公廟嘅「湯悅溫泉汗蒸」，擁有達65,000呎超大娛樂空間，環境寬敞又舒服，集日式溫泉、韓式汗蒸、按摩、飲食、影視娛樂於一身。而且員工受過專業訓練，服務質素有保證～場內基本24小時門票只需¥129，就可以享用湯池、汗蒸房、火山石浴、鹽石浴等設施，盡情chill足一日！
【INFO】 湯悅溫泉汗蒸 地址：深圳福田區沙頭街道天安社區泰然四路109棟泰然科技園泰安軒一二層 前往方法：深圳地鐵1/7/9/11號線「車公廟站」C出口，步行約5分鐘 營業時間：24小時
深圳按摩水療中心 | 2. 皇室假期美食水療會
「皇室假期美食水療會」鄰近羅湖口岸，地理位置超方便，所以吸引唔少香港人光顧。場地面積廣闊，樓高六層，提供24小時按摩消遣體驗。服務包括水療、中醫經絡按摩、溫泉、香薰、美容、美髮等，應有盡有，仲有任食水果及零食，套票最抵只需¥179，值得一試！
【INFO】 皇室假期美食水療會 地址：深圳羅湖區南湖街道春風路2040號金色都匯負1-5樓 前往方法：深圳地鐵9號線「向西村站」C出口，步行約2分鐘 營業時間：24小時
深圳按摩水療中心 | 3. 阿奇拉湯泉
位於南山區嘅「阿奇拉湯泉」樓高兩層，結合養生、休憩同娛樂於一身。場內除咗有泡湯、足療、採耳、擦背、SPA護理等服務，仲設有電玩網吧區、露營帳篷區、乒乓球室等多元化娛樂設施，再加上提供多款美食及飲品，最平只需¥299就可以玩足全日，從內到外照顧客人嘅身心需要！
【INFO】 阿奇拉湯泉 地址：深圳南山區桃源路田夏金牛廣場B座 前往方法：深圳地鐵1號線「桃園站」A出口，步行約2分鐘 營業時間：24小時營業
深圳按摩水療中心 | 4. 水世界美食水會
位於深圳東門嘅「水世界美食水會」，主打高性價比嘅一站式娛樂體驗，集水療、按摩、唱K、美食及酒店服務於一身。場內環境整潔雅緻，服務細心周到，按摩師手勢專業到家。最平每人只需¥199，即可享用15項大堂項目，仲包舒適太空艙過夜，相當抵玩！
【INFO】 水世界美食水會 地址：深圳羅湖區城東社區東門中路2010號信和東門商廈14樓 前往方法：深圳地鐵3號線「曬布站」A1出口，步行約3分鐘 營業時間：24小時
深圳按摩水療中心 | 5. 湯崎湯泉生活
「湯崎湯泉生活」總面積達4萬呎，主打24小時洗浴及娛樂一站式體驗，提供日式指壓、精油SPA、泰式按摩、鹽石熱療等多款療程，仲設有榻榻米休息空間，環境寬敞舒服。場內任食Häagen-Dazs雪糕同水果，另有遊戲街機及桌遊漫畫，人均唔使¥400，全場免小費及免服務費，非常抵嘆！
【INFO】 湯崎湯泉生活 地址：深圳福田區國花路港城華庭裙樓1-5層 前往方法：深圳地鐵4號線「福田口岸站」A出口，步行約5分鐘 營業時間：24小時
深圳按摩水療中心 | 6. 空棲SPA
「空棲SPA」係深圳首間療癒按摩館，提供一站式按摩水療服務，由精油SPA、頭療、肩頸按壓，到瑤藥浸腳、頌鉢音療通通都有。環境安靜舒服，流程細緻又專業，更會提供養生茗茶及糖水，價錢方面人均只需¥250起，特別適合想放鬆身心嘅女士～
【INFO】 空棲SPA 地址：深圳羅湖區南園街道巴登社區深南中路1095號IN城市廣場五層 前往方法：深圳地鐵1號線「科學館站」F出口，步行約5分鐘 營業時間：10:00-22:00
深圳按摩水療中心 | 7. 淺深
位於福田嘅「淺深」樓高四層，總面積達7萬呎，技師手法細心又專業，人均唔使¥400就可以嘆足24小時。場內雖然冇娛樂設施，但設有玫瑰池、清水池、活水池等多款水療浴池，配套齊全，仲有任食水果零食同海鮮自助餐，性價比亦相當高～
【INFO】 淺深 地址：深圳福田區福強路1048號紫光名苑1-4層 前往方法：深圳地鐵10號線「福民站」K出口，步行約5分鐘 營業時間：24小時
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
