迪士尼Pixar｜絕對係各位Pixar迷狂歡嘅時刻！！香港迪士尼樂園將會為大家呈獻首個Pixar Summer Fest，當中必定要睇「Pixar好友星空匯演」，仲有今個夏天清爽回歸嘅「Pixar 水花大街派對！」！即刻入內文睇詳情喇！
圖片來源：官方圖片 | 撰文：Hedy
由6月12日至8月31日，香港迪士尼樂園度假區呈獻首個Pixar Summer Fest，大家將會喺樂園見到唔同Pixar好友，包括《反斗奇兵》、《玩轉腦朋友》、《超人特工隊》、《沖天救兵》、《熊抱青春記》、《玩轉極樂園》及《勇敢傳說之幻險森林》，隨時都可以喺樂園周圍同佢哋見面！同時大家仲可以喺動畫藝術教室親手畫出《反斗奇兵》角色～
迪士尼Pixar｜全新「Pixar好友星空匯演」
入迪士尼絕對唔可以錯過全新嘅 「Pixar好友星空匯演」！喺每晚「迪士尼星夢光影之旅」夜間匯演前上演嘅全新「Pixar好友星空匯演」，絕對係最焦點嘅節目！呢場光影交織嘅夜空匯演，結合埋無人機表演以及奇妙夢想城堡同美國小鎮大街上嘅投影，絕對係超唯美！透過璀璨視覺、音樂同說故事嘅效果，帶大家細味動人Pixar故事！
迪士尼Pixar｜Pixar水花大街派對！
今個夏天Pixar水花大街派對清爽回歸，大家都可以邊投入呢個水花四濺嘅熱鬧派對，邊喺炎炎夏日入面降溫。大家仲可以同喺「迪士尼好友巡遊派對」入面登場嘅Pixar好友齊齊唱歌跳舞～
迪士尼Pixar｜Pixar美食加主題商品
迪士尼推出多款Pixar主題嘅美食，無論係造型趣緻嘅小食定係打卡必備嘅軟雪糕都應有盡有，包括三眼仔爪爪手工批以及彈弓狗蛋卷等。仲有唔少Pixar主題商品，有齊頭箍、毛公仔、服飾及文具。就連深受大家鍾意嘅奇妙護照即將推出全新 Pixar特別版，等大家齊齊喺樂園發掘唔同玩法。
【INFO】 《香港迪士尼樂園度假區Pixar Summer Fest》 日期：2026年6月12日至8月31日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
