渣打藝趣嘉年華｜渣打藝趣嘉年華將會喺今年升級回歸，以童話故事爲主題，有萬眾期待嘅巨型木偶巡遊、夜光巡遊以及17個互動藝術攤位！即刻入內文睇詳情！
圖片來源：官方圖片 | 撰文：Hedy
渣打藝趣嘉年華將於11月14日及15日於銅鑼灣維多利亞公園舉行，一連兩日嘅免費藝術盛宴，帶大家行入以流傳百年的童話故事為主題，包括《糖果屋》、《小紅帽》、《國王的新衣》、《傑克與魔豆》、《阿拉丁》及《快樂王子》等。另外，更有「現場講故事」環節、非洲鼓樂坊以及超過900件賞心悅目嘅藝術作品展覽。
「夜光巡遊」
香港藝術家傾力打造5座巨型燈籠偶同18套華麗嘉年華服飾，由11月14日夜晚8點半， 由利園一期正門出發，途經恩平道、白沙道、利園山道及啟超道延伸至希慎廣場折返。今年更加喺夜光巡遊隊伍中加入夜光雜技、銀樂隊、專業花式跳繩等演出，絕對係超精彩！
10座4米高巨型木偶
壓軸盛大派對將會喺11月15日下午2點半舉行，10座4米高巨型木偶同大家見面，更率領500人嘅盛大巡遊隊伍登場。巡遊將會由維多利亞公園出發，途經記利佐治街及崇光百貨，至東角道折返。
【INFO】 《渣打藝趣嘉年華 2026》 日期：2026年11月14及15日（星期六及日） 時間：早上10時至下午5時 地點：銅鑼灣維多利亞公園中央草坪 免費入場 《渣打藝趣嘉年華 2026 — 夜光巡遊》 日期：2026年11月14日（星期六） 時間：晚上8時30分至10時 地點：由利園一期正門出發，途經恩平道、白沙道、利園山道及啟超道，至希慎廣場折返 《渣打藝趣嘉年華 2026 — 壓軸巡遊》 日期：2026年11月15日（星期日） 時間：下午2時30分至下午4時 地點：由維多利亞公園出發，途經記利佐治街及崇光百貨，至東角道折返
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
