超音鼠充氣樂園 | 相信SEGA經典電玩鉅作超音鼠，都承載著唔少人嘅童年回憶～而小朋友喺今個夏天仲可以親身體驗化身超音鼠嘅極速冒險，大玩「超音鼠飛躍樂園SONIC BOUNCE ARENA」大型充氣樂園！即刻入內文睇價錢同詳情啦～
圖片來源：官方圖片 | 撰文：Hedy
今個夏天，荃新天地特別聯乘Jumptopia及Sonic，由即日起至8月31日舉辦「超音鼠飛躍樂園SONIC BOUNCE ARENA」大型充氣樂園，特設3大主題帶大家跟Sonic超音鼠飛馳！當中必玩8米高滑梯「爆速飛彈衝刺」，感受刺激感！之後再闖入翠綠山嶺「綠野急速衝關」，飛越巨型山丘，逃離大反派蛋頭博士嘅追擊！最後與好友闖入「音速衝鋒挑戰道」嘅4米高滑梯，一齊突破極限。
超音鼠充氣樂園 | 2大限定挑戰+期間限定店
除咗小朋友有得盡情放電之外，荃新天地更會喺指定日子舉辦 「音速環爭奪戰」及「秒速挑戰賽」等限定挑戰，需要喺限時內完成指定任務，完成挑戰仲可以獲贈精美禮品！同場更設有超音鼠 & Kiztopia 期間限定店，發售近30款Sonic主題精品，當中包括Sonic 保溫袋、地毯、手機防水袋、直傘、馬克杯、文件夾等等，粉絲們記得把握機會選購心頭好～
超音鼠充氣樂園 | 門票價錢
1. 荃新天地1期「綠野急速衝關」及「音速衝鋒挑戰道」
星期一至五（平日）*：HK$58（25分鐘）／HK$88（50分鐘）
星期六、日及公眾假期*：HK$68（25分鐘）／HK$118（50分鐘）
2. 荃新天地2期「爆速飛彈衝刺」
星期一至五（平日）*：HK$58（25分鐘）／HK$88（50分鐘）
星期六、日及公眾假期*：HK$68（25分鐘）／HK$118（50分鐘）
3. Jump Pass飛躍套票(荃新天地1期「綠野急速衝關」及「音速衝鋒挑戰道」[50分鐘] 及 荃新天地2期「爆速飛彈衝刺」[25分鐘])
星期一至五（平日）*：HK$116
星期六、日及公眾假期*：HK$148
*大小同價/ 身高未足 120cm 小朋友需由已購票之成人陪伴入場。未滿 24 個月的幼兒可由已付門票的小朋友及已付門票的成人陪同下免費入場。
購買平日下午6時或之後時段入場門票將獲得購票回贈HK$50荃新天地S現金券於荃新天地指定商戶使用，數量有限，先到先得，送完即止。
S⁺ REWARDS會員即日起憑指定點數即可換領指定場次入場門票，詳情請瀏覽荃新天地社交平台
【INFO】 《荃新天地「超音鼠飛躍樂園」》 日期：即日起至2025年8月31日 時間：星期一至五 12:00至20:00；星期六、日及公眾假期 10:00至20:00 地點：荃新天地1期及2期中庭 《超音鼠 & Kiztopia 期間限定店》 日期：即日起至2025年8月31日 時間：11:00至21:00 地點：荃新天地1期UG樓層 （Yves Rocher France對面）
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
