排球少年酒店 | 各位排民準備好未呀？想體驗《排球少年》主題酒店同Cafe機會嚟啦，入住隨時都可以被烏野、音駒以及臬谷三大高校嘅角色圍繞住，就好似置身於比賽入面嘅體育館一樣～入住仲送超靚嘅紀念品，即刻睇睇點預約！
圖片來源：X@tokyu_haikyu | 撰文：Hedy
為咗慶祝《排球少年!!》動畫十週年之際，東京都澀谷酒店Excel Hotel聯乘《排球少年!!》，推出3間以「頂點的景色」為概念嘅客房，當中除咗喺牆上展示咗唔同角色之外，就連房入面都再次展現《排球少年!! 垃圾場的決戰》比賽嘅畫面，令人好似置身於體育館入面一樣，一齊沉浸喺熱血嘅排球世界入面。
排球少年酒店 | 超靚紀念品
除咗有得住主題客房之外，酒店更為大家準備咗唔少以《排球少年》為主題嘅紀念品，當中包括袋、房卡、立牌等等、門把掛牌等等，每款都超值得收藏。只要入住更可以購買成套嘅房卡，將所有嘅角色房卡都一次過帶返屋企～
排球少年酒店 | 聯名甜品
住得《排球少年》主題客房，又點少得限定聯名餐點呢？位於酒店5樓嘅「Estación Café」將會提供集結烏野、音駒、梟谷三校元素嘅食物，仲有以排球同每個角色為造型嘅甜品～只要食任何一款聯名嘅餐點就會獲得獨家角色杯墊！
排球少年酒店 | 仲有主題巴士！
驚喜當然唔只得咁少啦！相信各位排民去得當然都會買唔少嘅周邊，由9月19日開始就可以喺SHIBUYA109澀谷店開設Pop-Up Store，大家可以入手File、信紙、襟章、鎖匙扣及名牌等等，超值得去呀！大家如果想行下澀谷至新宿，更可以體驗埋期間限定嘅《排球少年!!》主題巴士，車上面更會播放日向、影山同月島嘅聲音，帶領大家一起遊覽～
【INFO】 《渋谷エクセルホテル東急》 日期：2024年9月19日至2025年1月31日 地址：〒150-0043 東京都渋谷区道玄坂1-12-2 預約網站：https://bit.ly/3XfQdts
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
