《蠟筆小新》迷注意！佔地超過1萬呎、全港首個《蠟筆小新》互動展覽「蠟筆小新「玩轉！時空大冒險」互動體驗展」登陸啟德！場內有5大主題9大展區、7大互動遊戲，當然唔少得電影嘅經典名場面喇！另外，仲有期間限定店售賣香港區獨家精品，即睇內文了解更多啦！
圖片來源：SAUCE編輯部｜撰文：Sharon
由即日起至8月31日，全港首個《蠟筆小新》互動展覽登陸啟德零售館！《蠟筆小新》迷齊齊瞬間穿越時空，與「春日部防衛隊」並肩展開精彩刺激嘅跨時空救援任務！展覽糅合漫畫、動畫以及電影嘅故事情節及經典場面，為大家帶嚟極高互動性及參與感的嘅沉浸式體驗，更特設主題博物館讓大家可以回顧35年經典著名場面！
展覽設5大主題專區共9大展區，當中包括「野原家客廳」、「外星太空船」、「森林探險」、「夢之世界」、「塗鴉王國」、「未來城市」、「忍者村」、「小新時光之旅」以及「小新博物館」，當中仲有唔同互房遊戲畀大家玩！
小新博物館將會呈現多年來《蠟筆小新》創作軌跡，例如展示出展作者臼井儀人老師嘅介紹、小新嘅人物關係圖、《蠟筆小新》嘅發展簡史、二十隻唔同造型嘅微型小新、小新歷代電影海報、以及原創漫畫展出等，非常珍貴！
展覽區旁將設期間限定店，發售超過200款主題精品，當中包括香港首次發售周年系列產品包括靠墊、手鏡、明信片套裝等。行到攰仲可以去《蠟筆小新》期間限定小食店，有多款印有《蠟筆小新》元素嘅甜點，各位小新迷千祈唔好錯過～
【INFO】 《【蠟筆小新「玩轉！時空大冒險」互動體驗展】香港站》 地點：香港啟德體育園 啟德零售館2，4樓 日期：即日起至8月31日 時間：星期一至日及公眾假期：11:00 - 22:00 購票詳情： INCUTix：https://bit.ly/3EEszAw K11 Experience：https://bit.ly/435y0ld 攜程：https://bit.ly/4d2OFcM
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
