韓國戀綜又突破天際！SBS全新戀綜《我的剩餘戀愛》搵「抗癌／曾離死亡最近」嘅年輕人談戀愛?!!即睇內文了解！
圖片來源：官方圖片、SAUCE編輯部、網絡｜撰文：Sharon
韓綜真係冇極限！繼《換乘戀愛》、《單身即地獄》之後，SBS 又要推出一部引爆全網討論嘅全新戀愛實境節目——《我剩下的戀愛》（Love Against Time）！今次嘅設定真係衝擊力極大！製作組不再搵一般嘅單身男男女女，而是邀請咗一班 20至30歲、曾經歷過重病、絕症、被宣告病危或者與死亡擦身而過嘅年輕人參加。節目以「如果生命剩返嘅時間有限，你仲會點樣去愛？」為核心，紀錄佢哋重拾勇氣、追尋真愛嘅過程，光是聽設定就覺得超催淚、超深刻！
節目亮點一次睇！
1. 全新「交換時間」配對機制
同於傳統戀綜嘅曖昧或者爭奪戰，呢度嘅嘉賓每晚需要將象徵生命同陪伴嘅「時間」送畀心儀對象，用時間積累相處機會。每一次選擇都極之珍貴，情感極度真實！
2. 超強 MC 觀察團陣容
-
李世榮：首次挑戰戀綜主持，據聞錄影期間聽到嘉賓故事數度落淚！
-
CNBLUE 鄭容和：自「戀綜鐵粉」，負責細心分析嘉賓嘅微妙感情變化！
-
SEVENTEEN DK（李碩珉）：超溫暖感性，企喺嘉賓角度帶嚟滿滿共鳴！
-
YENA 崔叡娜：童年曾成功抗擊小兒癌症！自身嘅經歷令佢最能同嘉賓產生深層連結與同理心！
3. 《神靈牽線的戀愛》李恩率PD操刀
PD表示希望用最真誠嘅方式，記錄呢班知道生命有限嘅年輕人，喺有限嘅時間內點樣去深切又燦爛地愛一次，連製作組都意想不到嘅命運故事即將呈獻！
開播時間為2026年8月3日，每週一晚上10點SBS開播！節目未開播就已經引發熱烈討論！有人覺得題材太過沉重、拿生命開玩笑；但亦有好多人認為「每個人都值得擁有愛同被愛嘅機會」，非常期待看到最真摯嘅情感！你哋又點睇呢個咁震撼嘅戀綜設定？會唔會想追呢？
【INFO】 《我剩下的戀愛》 播出日期：2026年8月3日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
