葬送的芙莉蓮 | 終於都等到喇！全港首間《葬送的芙莉蓮》期間限定店即將登陸，獨家發售一系列香港限定特色周邊，仲有8米高巨型芙莉蓮及完美重現動畫形象嘅立體「寶箱怪」畀大家打卡！即刻入內文睇詳情喇！
圖片來源：官方圖片 | 撰文：Hedy
全港首間《葬送的芙莉蓮》期間限定店，將會喺5月29日至6月7日登陸圍方！場內將會有多個打卡位，包括8米高巨型芙莉蓮、實體化「寶箱怪」、芙莉蓮香港美食系列打卡牆、Q版角色咕𠱸牆、跨越時空嘅新舊勇者小隊立牌及經典動畫場景等等，各位粉絲們一定要嚟打卡～
葬送的芙莉蓮 | 限定美食系列
期間限定店集結逾200款精選產品，當中有唔少香港限定嘅美食系列，以芙莉蓮為主角設計！當中包括芙莉蓮蜷縮喺「雞蛋仔被窩」中賴床、對熱奶茶呼呼吹氣、以及被充滿驚喜嘅菠蘿油陷阱困著嘅芙莉蓮等等。除咗美食系列之外，店入面更有飲茶系列、魔法御守、大玩偶、寶箱怪枕頭、芙莉蓮及寶箱怪收納袋等等。此外，現場更設有驚喜集章及滿額送禮活動，任何消費即有機會收集香港站限定印章；於店內消費滿指定金額更可獲贈豐富贈品，讓每位粉絲滿載而歸！
【INFO】 《葬送的芙莉蓮》期間限定店 日期：2026年5月29日至6月7日 時間：星期一至五 12:00至21:00；星期六、日及公眾假期11:00至22:00 （6月7日上午11時至8時） 地點：圍方 The Wai 商場 L2中庭
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
