放假想離開香港走走，但未抽到時間出國旅行嘅大家，有冇諗過近近地去澳門玩呢？除咗大三巴同氹仔等景點，其實澳門都好多新奇有趣嘅玩樂地方等緊大家！今次小編為大家整合 澳門最新6大玩樂好去處 ，打算嚟澳門玩嘅朋友不妨睇下有冇啱心水，約埋朋友嚟個短旅行啦！
圖片來源：KKday、傳奇英雄科技城｜撰文：Sharon
1. 澳門TeamLab體驗展
除咗去大三巴呢啲熱門旅遊景點外，位於澳門嘅TeamLab超自然空間都係必去景點之一！TeamLab超自然空間由藝術團隊TeamLab打造，場內面積達5000平方米，有高至8米嘅超巨型作品同互動體驗空間！
嚟到呢度大家可以感受同藝術融為一體，通過超越身體與藝術之間嘅界限嘅體驗，重新定義自我與世界之間界限嘅感知。「花與人的窪谷」呢個作品中，同時存在多個季節，季節會逐漸變換，呈現一年會出現嘅花朵，亦都會火配合唔同嘅季節，改變生長嘅地點。除咗打卡位，TeamLab都有提供互動體驗畀大家，可以一邊影相一邊玩！
【INFO】 《澳門TeamLab - 超自然空間》 地址：澳門路氹城金光大道的威尼斯人度假村 開放時間：11:00-19:00（星期二及三休息） 時間：11:00 - 19:00 門票售價：$179起 預訂網址：https://bit.ly/3Hf5x1r
2. 澳門沉浸式高空飛索
自問膽識驚人嘅你，一定要嚟挑戰呢個全球首個「沉浸式高空飛索」！澳門飛索位於澳門葡京人，全長388米，係世界第3長嘅城市滑索。登上60米高嘅起飛塔，大家可以喺半空中一邊感受速度嘅快感、一邊飽覽澳門葡京人及路氹金光大道嘅壯麗景色！想有特別啲嘅體驗仲可以夜晚嚟玩，超過10萬個LED燈亮起，配埋音樂，夠晒刺激啊！
【INFO】 《澳門沉浸式高空飛索》 門票售價：$380/人起 預訂網址：https://bit.ly/3HJZj8Z
3. GoAirborne 室內跳傘中心
GoAirborne室內跳傘係澳門首間室內跳傘中心，模擬空中跳傘由12,000呎下降到3,000呎，喺呢度大家可以感受前所未有嘅刺激感，無論係初學者定職業跳傘運動員都可以享受室內跳傘飛行體驗！跳傘體驗每次需時90至120分鐘，全程由具備專業資格、並獲國際認可證書嘅教練指導，風洞四周設有高彈性安全網及防撞護墊，咁就可以玩得放心啦！只需要年滿4歲或以上，就可以嚟GoAirborne享受挑戰自由落體嘅全感觀刺激體驗！
【INFO】 GoAirborne 室內跳傘中心 地址：澳門葡京人 H853 Fun Factory娛樂廠 澳門路氹溜冰路，1樓R99鋪 營業時間：11:00 - 22:00 售價：$588起 預訂網址：https://bit.ly/3SpJF7t
4. 傳奇英雄科技城 Legend Heroes Park
傳奇英雄科技城係全澳門最大嘅高科技電子體育娛樂主題樂園，結合頂尖虛擬技術和物理現實世界，為玩家帶來無與倫比、如同身歷其境嘅玩樂體驗！喺呢度大家可以體驗虛擬實境（Virtual Reality，VR）、擴增實境（Augmented Reality，AR）、全息圖、運動追蹤、映射投影、4D超立體巨幕、電玩、體育娛樂等等超過60多款遊戲！
如果鍾意VR體驗嘅你一定要嚟玩！呢度齊集多款刺激嘅VR遊戲，玩家喺遊戲中感受視覺與機器完美同步帶來嘅快感，例如VR碰碰車，展開一場刺激嘅碰撞之旅！另外，仲有夜光保齡球、4D 影院、阿拉丁、與神同行等遊戲！鍾意Kpop嘅朋友仲可以去埋4D韓星演唱會區，同一眾韓星如2NE1、BIGBANG、G-Dragon等等近距離接觸添！
【INFO】 傳奇英雄科技城 地址：澳門路氹連貫公路新濠影滙酒店明星滙二樓及新濠影滙時代廣場一樓 營業時間：12:00-21:00（星期一休息） 售價：$342起 預訂網址：https://bit.ly/3XQpUqN
5. 滿紛樂園 Kid room
如果想帶埋小朋友去澳門玩，一定要嚟新濠影滙滿紛樂園 Kid room！位於澳門新濠影滙東翼3樓，去年8月先正式開幕，佔地四層，分為山岩、叢林、海底、外太空和太空站5大區域，適合2-17歲嘅小朋友嚟盡情放電！
當中「海底歷險世界」佔地2,400平方呎，滙集50組遊戲點嘅大型綜合遊樂設施，包括阻礙挑戰、滑梯、波波池，激發小朋友潛能同冒險精神！另外，如果你嘅小朋友有膽識，可以去埋「山岩主題區」，場內有唔同嘅障礙場地等緊大家，考驗各位小朋友嘅身手！
【INFO】 新濠影滙滿紛樂園 Kid room 地址：新濠影滙西翼三樓 營業時間：12:00 - 21:00 售價：$105起 預訂網址：https://bit.ly/3SpPZvJ
6. 水上樂園 – 天浪淘園
嚟到澳門，除咗邊食邊玩，梗係要去埋水上樂園玩先夠盡興！「天浪淘園」係澳門嘅第二個水上樂園，位於澳門新濠影匯酒店，聲稱係全城最精彩刺激水上歷險世界，適合同朋友或者一家大細一齊嚟玩！2021年翻新後，「天浪淘園」仲多咗唔少嘅設施，當中包括5條長20米嘅迴旋滑水道「沖天水龍捲」、、20米高嘅U形滑板、幾乎近90度嘅垂直落差陡峭滑水梯「龍捲風」、長450米以熱帶森林為題嘅「綠野遊蹤漂流」同小童嬉水池！不過水上樂園只會喺夏季開放，有興趣嘅朋友記得留意官網最新開放時間！
【INFO】 水上樂園 - 天浪淘園 地址：澳門路氹連貫公路西翼三樓
————————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
