深圳又有新地方去喇！位於深圳蛇口太子灣嘅「深圳K11 ECOAST」海濱文化藝術區於4月28日正式開幕！呢個佔地23萬平方米嘅K11 ECOAST，係香港K11集團喺內地嘅首個旗艦項目，比香港K11 MUSEA更大1倍，即睇內文了解詳情啦！

圖片來源：官方圖片｜撰文：Sharon 

K11 ECOAST海濱文化藝術區位於深圳蛇口太子灣，外觀好似停泊喺港口嘅巨輪，總建築面積接近23萬平方米，內有K11 Cultural Centre多功能文化空間、K11 ATELIER辦公空間及海濱長廊Promenade，仲有一個種植咗近兩百種本地植物嘅戶外空間，係一個集文化、商業、生態於一體嘅世界級濱海文化藝術區。

深圳K11 ECOAST 海濱文化藝術區。（圖片來源：官方圖片）
戶外空間。（圖片來源：官方圖片）

K11 ECOAST與多位全球頂尖藝術家及建築設計師合作，包括英國建築大師David chipperfield、荷蘭大都會建築事務所、日本著名建築師藤本壯介等，創造出連結城市與海岸嘅獨特空間。最值得一提嘅係，K11 ECOAST裝潢風格同香港尖沙咀K11 Musea有啲相似，同樣都係用咗雙首層格局，藝術感十足！

4月底正式開幕！（圖片來源：官方圖片）
同香港尖沙咀K11 Musea有啲相似。（圖片來源：官方圖片）

喺K11 ECOAST開幕前，於3月29日已經舉行咗「加菲貓家族歡樂跑」，包括3km海濱美景歡樂跑、主題闖關、趣味市集、加菲貓大型吹氣公仔等。期待未來K11 ECOAST會再舉辦更多唔同類型嘅活動！

加菲貓家族歡樂跑。（圖片來源：官方圖片）
加菲貓大型吹氣公仔。（圖片來源：官方圖片）
【INFO】
《深圳K11 ECOAST》
地址：深圳市南山區蛇口太子灣區南海大道太子港
交通方法：深圳地鐵12號線到達太子灣站B出口即達
（圖片來源：官方圖片）

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk