太空館電影 | 各位恐龍迷注意啦！香港太空館推出全新電影《暴龍傳奇》，帶大家穿越時空，見證君王暴龍嘅一生，究竟佢點樣喺巨獸橫行嘅時代，成為最具代表性嘅終極霸主？門票更低至$15/人，即刻入內文睇詳情啦！
圖片來源：官方圖片 | 撰文：Hedy
香港太空館天象廳推出全新球幕電影《暴龍傳奇》，結合最新科學發現同電腦特效，帶大家重返6700萬年前嘅白堊紀，見證君王暴龍點樣喺巨獸橫行嘅時代，成為最具代表性嘅終極霸主！電影時長約42分鐘，大家將會跟隨古生物學家泰勒‧萊森嘅考古隊，深入美國蒙大拿州地獄溪組嘅恐龍化石發掘現場，重演三名小孩意外發現君王暴龍化石嘅過程，即刻帶小朋友去睇電影啦～
太空館電影 | 重塑君王暴龍一生
電影重塑君王暴龍充滿挑戰嘅一生，由啱啱出世，張惶驚恐嘅小龍，逐漸蛻變成頂級嘅捕獵者。初生嘅君王暴龍成長速度驚人，出生後一年已經由家貓大小成長到接近成年人嘅體型。佢哋會透過嬉戲來磨練捕獵技巧，為未來嘅生存做足準備。到青少年時期，聰明而敏捷嘅君王暴龍已有能力獵殺埃德蒙頓龍等中型獵物。電影入面仲有不少驚險場面，等你現場睇嘅時候都會感受到咁震撼嘅效果，包括君王暴龍抵禦風神翼龍等強大對手來保護年幼子女、與三角龍驚心動魄嘅生死對決，以及在集體捕獵過程中兄弟䦧牆，爆發激烈衝突等，超刺激！帶埋小朋友嚟睇就可以加深對恐龍嘅認識！
【INFO】 香港太空館天象廳《暴龍傳奇》 日期：即日起至2025年12月14日 地點：香港太空館天象廳 放映時間：星期一、三至五 17:00；星期六、日及公眾假期 11:00、15:30以及20:00 入場費： 標準票：40 元（後座）；30 元（前座） 優惠票：20 元（後座）；15 元（前座） *優惠票適用於全日制學生、殘疾人士（及一名同行照料者）及 60 歲或以上高齡人士 購票網站：https://bit.ly/4iYaifN
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
