金鐘太古廣場及灣仔星街小區變身成聖誕小鎮！由即日起至2025年1月2日打造「聖誕奇妙村莊」，一眾巨型萌獸們帶領大家漫遊村莊，一齊參觀神秘樹洞同小屋，滿滿嘅節日氣氛！仲可以參加趣味工作坊，以及拜訪聖誕老人屋添！

圖片來源：官方圖片｜撰文：Sharon 

今個聖誕，金鐘太古廣場及灣仔星街小區舉辦「聖誕奇妙村莊」活動，巨型萌獸同大家一齊過聖誕！場內有毛絨樹林Woollywood、糖果廠Sugarplum Mill同神秘樹洞Fir Cavern，記得嚟拜訪每一隻賦有獨特個性嘅萌獸！

金鐘太古廣場及灣仔星街小區舉辦「聖誕奇妙村莊」。（圖片來源：官方圖片）

走進毛絨球中探險，一大片活潑可愛嘅小毛球萌獸等緊你哋！嚟到糖果廠有甜心小冒險家Sprinkle，按下蜜糖瓶上嘅神秘按鈕，會帶來嗅覺同聽覺上嘅驚喜！至於神秘樹洞，大家會見半夢半醒嘅溫暖樹獸Woody正在站崗，守着長滿松樹嘅綠洲，係必影嘅打卡位啊！

神秘樹洞。（圖片來源：官方圖片）
糖果廠。（圖片來源：官方圖片）
魔法毛線工廠嘅一扇窗，都有萌獸寶寶！（圖片來源：官方圖片）
立即走進毛絨球中探險！（圖片來源：官方圖片）

最後，記得登記參加聖誕老人屋及奇趣工作坊，拜訪聖誕奇妙村莊內嘅聖誕老人屋，同聖誕老人見面，仲可以同佢合照留念，將精美相架同照片及小甜點帶返屋企～

聖誕老人屋。（圖片來源：官方圖片）
仲可以同聖誕老人影相！（圖片來源：官方圖片） 
【INFO】
《太古廣場 - 聖誕奇妙村莊》
地址：金鐘金鐘道88號
日期：即日起至2025年1月2日

——————————————————

Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk