梳乎厘｜喺香港都可以食到韓國人氣甜品店 5 to 7 Café嘅招牌梳乎厘班戟？！大家絕對唔可以錯過期間限定，由團隊親臨駐場即席烹調招牌梳乎厘班戟，包括珍珠焦糖燉蛋、香港奶茶忌廉、芒果以及抹茶口味，唔使飛韓國都食到！即刻入內文睇地址同價錢喇！
圖片來源：官方圖片 | 撰文：Hedy
韓國人氣甜品名店 5 to 7 Café將於4月11日至15日期間，限時進駐香港嘉里酒店大堂茶座，團隊親臨駐場即席烹調招牌梳乎厘班戟，等大家喺香港都可以食到韓國美食～今次將會為大家呈獻四款匠心之作，當中必試酒店獨家呈獻嘅香港奶茶忌廉梳乎厘班戟，以地道港式絲襪奶茶為靈感，將醇厚茶香與絲滑忌廉完美結合，鍾意奶茶嘅你必試～仲有以傳統法式焦糖燉蛋為靈感嘅珍珠焦糖燉蛋梳乎厘班戟，輕盈蓬鬆嘅梳乎厘與細膩香滑嘅燉蛋底韻相互交融，表面薄脆焦糖輕輕一敲，超有層次！另外亦有以精選日本抹茶粉細心調製嘅抹茶梳乎厘班戟以及芒果梳乎厘班戟，每款梳乎厘班戟價錢為港幣$120。大家亦可以用優惠價港幣$63 加配精選單一產地咖啡，包括以濃縮咖啡配細滑忌廉製成嘅西西里凍咖啡，或融合茉莉花茶幽雅花香嘅茉莉花茶美式咖啡。
【INFO】 《 5 to 7 限時進駐香港嘉里酒店大堂茶座》 日期：2026年4月11日至15日 時間：12:00至19:30 價錢：每款梳乎厘班戟港幣 $120 地址：香港九龍紅磡灣紅鸞道 38 號香港嘉里酒店 3 樓
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
